Foto: https://senate.parlam.kz/
Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattary Batys Qazaqstan oblysynda «О́ńirdegi tabıǵatty jáne janýarlardy qorǵaý salasynyń jaı-kúıi jáne de aqbókenderdiń oraldyq popýlıasııasynyń keıbir máseleleri» taqyryby boıynsha kóshpeli otyrys ótkizdi. Komıtet tóraǵasy Álı Bektaev jıyn barysynda Memleket basshysy Qasym-Jomart Toqaevtyń Qazaqstan halqyna Joldaýynda bizdiń strategııalyq maqsatymyz – Eýrazııa qurlyǵyndaǵy basty agrarlyq ortalyqtyń biri bolýdy atap ótkenin aıtty.
«Prezıdent aldaǵy úsh jylda agroónerkásip keshenindegi qaıta óńdelgen ónimniń úlesin 70%-ǵa deıin jetkizý mindetin alǵa qoıǵan bolatyn. Úkimet pen jergilikti atqarýshy organdar bul maqsat pen mindetke qol jetkizý úshin AО́K sýbektilerindegi ónimdi qaıta óńdeý isine barynsha qoldaý kórsetip, qaıta óńdeý ónimderin óndirýge yntalandyrýdy arttyrýy tıis. Sondaı-aq fermerlik sharýashylyqtardyń kedergisiz jumys isteýine jaǵdaılar jasalýy tıis», dedi Á.Bektaev.
Kóshpeli otyrysta senatorlar Batys Qazaqstan oblysyndaǵy aqbókenniń popýlıasııasyna qatysty problemalyq máselelerge de mán berip, jergilikti sharýalardyń janaıqaıyn tyńdady.
Depýtattar kezdesýdiń maqsaty – halyqpen, ekologtarmen jáne sarapshylarmen ózara is-qımylda barlyq aspektilerdi eskere otyryp, bar problemalardy birlesip sheshýge tyrysý ekenin atap ótti.
Sharaǵa oblys ákimi Narıman Tóreǵalıev, Aýyl sharýashylyǵy, Ekologııa jáne tabıǵı resýrstar mınıstrlikteriniń ókilderi, ÚEU jáne oblystyq máslıhat depýtattary qatysty.
Kóshpeli otyrys qorytyndysy boıynsha senatorlar Úkimetke joldanatyn usynystar ázirlenip jaýapty mınıstrlikke joldanatynyn jetkizdi.
