QR Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda osy jyldyń 11-15 qyrkúıek aralyǵynda Jambyl oblysynda din máseleleri jónindegi respýblıkalyq aqparattyq-túsindirý tobynyń (RATT) mamandarynyń qatysýymen dinı ekstremızmniń taralýyn aldyn alýǵa baǵyttalǵan semınarlar jáne ártúrli formattaǵy is-sharalardy uıymdastyrý sheńberinde óńir turǵyndarymen birqatar kezdesýler ótkizildi.
Atalǵan kezdesýlerge RATT múshelerinen (teologtar, dintanýshylar) – Qulnazarov B.N., Bekbosynov E.T., Sadykova J.Á., Anarbaev Q.S. tartyldy.
RATT músheleriniń qatysýymen Taraz, Shý qalalary, Shý, Qordaı aýdandary, Tóle bı, Moıynqum, Masanshy, Sortóbe aýyldarynyń jastar resýrstyq ortalyǵynyń jastary, óńirlerdegi polısııa bólimi, aýrýhana, mádenıet úıleri men kitaphana qyzmetkerleri, meshit jamaǵaty jáne t.b qatysýshylar arasynda semınarlar jáne kezdesýler ótti.
О́tkizilgen is-sharalarda óńirlerdiń turǵyndaryna Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparattar berildi.
Tyńdaýshylar tarapynan da RATT múshelerine birqatar suraqtar qoıylyp, tujyrymdy jaýaptar alyndy.
