Investısııa quıýǵa yntaly ınvestor kóp. О́zara yntymaqtastyqty odan ári nyǵaıtýǵa múddeli taraptar ekonomıkanyń barlyq sektoryn, onyń ishinde munaı-gaz ónerkásibi men qurylys ındýstrııasyn, aýyl sharýashylyǵyn, týrızm salasyn birlese órkendetýdi qolaı kóredi.
Qoınaýy munaı men gaz, ózge de tabıǵı baılyqqa toly óńir men ózge elder arasyndaǵy ımporttyń da, eksporttyń kólemi azaıǵan emes. Oblys ákiminiń orynbasary Jasulan Bısembıevtiń málimetinshe, bıyl úsh aıda AQSh-pen aradaǵy syrtqy saýda aınalymy 50,1 mln AQSh dollaryn quraǵan. Onyń ishinde ımporttyń úlesi basym – 49,6 mln AQSh dollary. Al eksporttyń kólemi 436,9 myń AQSh dollaryna jetken.
Mundaı baılanys Baltyq jaǵalaýyndaǵy eldermen de ornaǵan. Máselen, áriptestik qarym-qatynastyń nátıjesinde bes aıda Atyraý oblysy men Lıtva arasyndaǵy syrtqy saýda aınalymy 222,8 mln AQSh dollaryna jetti. Qazir munaıly óńirde transport, tasymal baǵytynda lıtvalyq úsh kásiporyn jumys isteıdi. Endi munda Lıtvanyń qurmetti elshiligi ashyldy.
Munaıly óńirge qyzyǵýshylyq tanytqan elderdiń qatarynda Grýzııa da bar. Oblys ákimi Serik Shápkenovtiń málimetinshe, Atyraýda Grýzııa Respýblıkasy kapıtalynyń qatysýymen 16 kásiporyn tirkelgen. Bul elmen syrtqy saýda aınalymy bıylǵy qańtar-mamyrda 396,9 myń AQSh dollaryn quraǵan. Atyraý qalasynan Kýtaısı baǵytyna aptasyna 3 áýe reısi qatynaıdy. Byltyr Atyraý oblysynyń 18 myńnan astam turǵyny Grýzııaǵa demalý úshin barǵan. Onyń 6 myńǵa jýyǵy «Borjomi Palace» sanatorııinde em alǵan. Al bıyl tórt aıda 10 myńǵa jýyq atyraýlyq atalǵan elge saıahattaǵan.
Endi Atyraý men Borjomı qalalary arasyndaǵy saýda-ekonomıkalyq, ınvestısııalyq yntymaqtastyqty, týrızm salasyn burynǵydan da jandandyrýǵa baǵyt ustalyp otyr. Atyraýǵa arnaıy kelgen Borjomı qalasynyń meri Otar Arbolıshvılıdiń pikirinshe, biri munaıymen, ekinshi mıneraldy sýymen aty málim shaharlar baýyrlas bolýy qajet.
«Byltyr bizdiń qalaǵa Qazaqstannan 120 myńǵa jýyq adam demalýǵa keldi. Kýtaısı áýejaıyna kelgen jolaýshylardyń 80 paıyzy Borjomı qalasyn tańdaıdy. Demalýshylardyń arasynda atyraýlyqtar da bar. Biz Atyraý qalasymen baýyrlastyq qarym-qatynas ornatýdy kózdedik. Sol sebepten, eki qalanyń basshysy Borjomıde kezdesip, yntymaqtastyq týraly memorandýmǵa qol qoıdy. Memorandým – bir-birimizdi qoldaýǵa septigi tıetin dostyq pen yntymaqtastyq qujaty. Budan bylaı bizdiń qalaǵa keletin atyraýlyqtar kóbeıetinine senimdimin», deıdi Otar Arbolıshvılı.
Atyraý oblysy
