FOTO: inbusiness.kz
Instıtýt mamandary óńdeý ónerkásibine ınvestısııalardyń quldyraýy jalǵasyp jatyr deıdi. О́ńdeý ónerkásibine salynǵan ınvestısııalardyń úlesi ónerkásipke salynǵan ınvestısııalardyń jalpy kóleminen kórsetilgen kezeń ishinde 11,1 paıyzǵa deıin qysqarǵan. О́ńdeý ónerkásibi salasyndaǵy qarjylandyrýdyń negizgi kózi – bıznestiń menshikti qarajaty. О́ńirler arasynda óńdeý ónerkásibine ınvestısııalar kólemi boıynsha Qaraǵandy oblysy kósh bastap tur: 154,6 mlrd teńge, bul jalpy kólemniń 23 paıyzyn quraıdy.
Jyl basynan sary ala jazǵa deıingi aralyqta sharýashylyq júrgizýshi sýbektilerdiń óz qarajaty esebinen ınvestısııalardy qarjylandyrý kólemi 6,1 trln teńge bolǵan. Alaıda taldanǵan kezeńde jalpy úlestiń 76 paıyzǵa deıin tómendeýi baıqalady. Bul bank kredıtteri esebinen ekonomıkaǵa ınvestısııalaý úlesiniń 2 paıyzǵa deıin ósýimen jáne 2023 jyldyń 7 aıynda 170,5 mlrd teńgeni quraýymen túsindiriledi.
«Jetkizý tizbeginiń ózgerýine baılanysty kólik ınfraqurylymyn damytýdyń mańyzdylyǵy ózekti bolyp otyr. Taldanyp otyrǵan kezeńde kólik jáne qoımalaýǵa salynǵan ınvestısııalardyń úlesi 7,3 paıyzdan 11,9 paıyzǵa deıin ósti jáne aqshalaı balamada 966,6 mlrd teńge (NKI – 122,6 paıyz) boldy», deıdi ınstıtýt sarapshylary.
Qazirgi ýaqytta elimizdiń úsh óńirinde ınvestısııalarda aıtarlyqtaı ósýi baıqalady: Abaı oblysy – 54,3 paıyzǵa, Mańǵystaý oblysy – 45,9 paıyzǵa, Batys Qazaqstan oblysy – 31,9 paıyzǵa. Abaı oblysyndaǵy ınvestısııalar aǵynynyń artýy qurylysqa (16 ese), aýyl sharýashylyǵyna (2,6 ese), kólik jáne qoımalaýǵa (1,9 ese) jáne jyljymaıtyn múlikpen operasııalarǵa (1,5 ese) ınvestısııalardyń ósýimen baılanysty. Al Mańǵystaý oblysy men Batys Qazaqstan oblysynda dástúrli túrde taý-ken ónerkásibine ınvestısııa kóleminiń ulǵaıýyna baılanysty ınvestısııa qarqyndy ósim kórsetip jatyr.
