Qaraǵandy sellıýlozo-qaǵaz kombınaty, Pavlodar karton jáne rýberoıd zaýyty, «Aqtóbe qaǵazy», «Kagazy Recycling», «Zavod Gofrotara» jáne basqalar turmystyq qaǵaz shyǵarsa, Shymkenttegi – «Qagaz Ordasy», Astanadaǵy – «Goida.kz», Petropavldaǵy – «Radýga» JShS jáne «A end K Ekspo LTD» keńse qaǵazdaryn naryqqa shyǵaryp otyr. Alaıda «Energyprom» sarapshylarynyń aıtýynsha, tekseris barysynda «Radýganyń» shyn máninde turmystyq qaǵazdar óndiretini belgili bolǵan. «A end K Ekspo LTD» kompanııasynyń da resmı saıtynda olar shyǵaryp otyrǵan keńse qaǵazdarynyń Qazaqstanda jasalǵandyǵy týraly derek joq bolyp shyǵypty.
Ulttyq statıstıka bıýrosynyń aqparynsha, byltyr elimizdegi karton jáne qaǵaz óndirisi 60,1 myńnan 98,3 myń tonnaǵa, 63,6 paıyzǵa artty. 2022 jylǵy kórsetkishter 2017 jylmen salystyrǵanda úsh ese ósken. Bıyl qańtar-shildede ótken jyldyń uqsas kezeńindegi kólemdi áýpirimdep saqtaı alǵan. Bul kategorııa statıstıkalyq esepterde jalpylama berilgendikten, odan keńse qaǵazdarynyń kólemi týraly aqparatty bólip alý múmkin emes. Sanattaǵy ósim gofrlengen karton óndirisi esebinen týyndaǵan bolýy múmkin.
«Qaǵaz ónerkásibiniń keıbir ishki sanattary da sońǵy jyldary ósti, biraq sonshalyqty kúshti emes. О́nerkásiptik óndiris ındeksi sońǵy bir jarym jylda salada toqyraýdyń bolǵanyn kórsetedi. 2022 jyly sektor boıynsha óndiris kólemi – 1,1 paıyzǵa, bıyl qańtar-shildede 1,8 paıyzǵa ǵana ósti. О́tken jyly kásiporyndar 120,8 mlrd teńgeniń ónimin shyǵardy (2021 jyly – 93 mlrd teńge). Faktiler elimizdegi qaǵaz jáne korton óndirýshilerdiń tolyq júktememen jumys istemeı otyrǵanyn aıǵaqtaıdy. Byltyr jyldyq ortasha qýattylyqtyń paıdalanylý úlesi 70 paıyz boldy. Bul sońǵy jyldarda tirkelip otyrǵan maksımaldy sıfr. 2017 jyly kórsetkish 43,2 paıyz mańaıynda bolǵan», deıdi sarapshylar.
Otandyq kásiporyndardyń qaǵazy ótip, saýdasy júrýi úshin de memleket shetten qaǵaz satyp alýǵa shekteý engizip otyr. Mysaly, «Azamattarǵa arnalǵan úkimet» Memlekettik korporasııasy» qańtarda 701,4 mln teńgeniń keńse qaǵazyn satyp aldy. О́tken jyly elimizge shetten 334,7 myń tonna qaǵaz ben korton ákelingen. El turǵyndarynyń qaǵaz úshin shetke tólegen aqysy 600 mln dollardan asady. Basty jetkizýshi – Reseı. Olardyń jalpy ımporttaǵy úlesi – 63,3 paıyz. Odan keıingi orynda Qytaı tur (16,6 paıyz). Kórshi eki elden bólek, biz shalǵaı ornalasqan Shrı-Lanka, Fılıppın, Ońtústik Afrıka elderinen de qaǵaz satyp alamyz.
