Foto: Ashyq derekkóz
Sondaı-aq ol óz sózinde: «Ortalyq bankterde halyqtyń aqsha aýdarýy men operasııalaryna baqylaý bar. Halyq aldaǵy ýaqytta osy baqylaýdy alyp tastaýdy talap etýi yqtımal. Bankten esepshot ashý úshin begili bir mólsherde qarajat jumsalady. Bankter de keıbir azamattarǵa shot ashýǵa quqyly emes. О́ıtkeni retteýshiniń baqylaýy qatań. Tıisinshe, bankte shoty joq azamattar bıtkoın arqyly ózinshe ekonomıkasyn quryp jatyr», dep málimdedi.
Tım Dreıperdiń pikirinshe, bolashaqta ortalyq bankter azaıyp, bıtkoındy resmı paıdalanatyn memleketter kóbeımek.
«Bıtkoın paıdalanǵanda salyqtan jaltara almaıdy, tólemder avtomatty túrde jasalady. Osy sebepti de meniń bıtkoın týraly pikirim aıtarlyqtaı optımıstik turǵyda», dedi spıker.
Sonymen qatar Tım Dreıper ne sebepti keı krıptovalıýtalardyń suranysqa ıe bolmaı qalǵanyn aıtty.
«Keıbir krıptovalıýtalar ómirsheń bola almady, óıtkeni olar ortalyqtandyrylǵan edi. Olar bir adamǵa baılanǵan bolatyn. Ulttyq valıýtalar da ortalyqtandyrylǵan. Tıisinshe, saıası kúshterge táýeldi. Bıtkoın ortalyqsyzdandyrylǵan, ashyq jáne transparent. Ár adam álemdegi kez kelgen tranzaksııany kóre alady. Jalpy, bıtkoın bizdiń ómirimizdi aıtarlyqtaı jaqsarta alar edi», dep qorytyndylady sózin Tım Dreıper.
Tım Dreıper - mıllıarder, 1985 jyldan beri jumys isteıtin venchýrlyq kompanııanyń ıesi. Onyń fılıaldary álemdegi eń iri 26 tehnologııalyq ortalyqta jumys isteıdi. Tım Dreıper 116 kompanııaǵa ınvestor retinde aqsha salǵan. Olardyń ishinde Skype, Hotmail, Tesla sııaqty kompanııalar bar.
