Kásiporynnyń qoǵammen baılanys bóliminiń málimetinshe, 21 qazanda tekserý jumystarynyń aralyq qorytyndysy shyǵaryldy. Soǵan sáıkes tehnologııalyq qondyrǵylardyń birinshi kezegi qaıta iske qosyldy.
«Qazir zaýyttyń táýliktik munaı óńdeý kólemi – 9 500 tonna. Munaı ónimderi mynadaı kólemde shyǵyryla bastady. Avtobenzın – táýligine 1 200 tonna, dızel otyny – táýligine 1 500 tonna. Zaýyttaǵy tehnologııalyq qondyrǵylarda josparly tekserý jumystarynyń negizgi bóligi aıaqtaldy. Energetıka mınıstrligi bekitken kestege sáıkes jabdyqtardy kezeń-kezeńimen tehnologııalyq rejımge shyǵarý josparlanyp otyr», dep habarlady qoǵammen baılanys bólimi.
Josparly tekserý bastalǵannan beri aýqymdy jumys atqarylǵan. Bul – jabdyqtardy tazalaý, peshter men reaktorlardy qaptaý, tozǵan jabdyqtar men katalızatorlardy aýystyrý, kolonnalyq jabdyqtardyń ishki qurylǵylaryn modıfıkasııalaý. Qazir qysymmen jumys isteıtin tútikshelerdi tekserý jalǵasyp jatyr.
«Zaýytta ekologııalyq zańnamanyń talaptaryna sáıkes qorshaǵan ortaǵa shyǵarylatyn emıssııalardy anyqtaıtyn avtomattandyrylǵan júıesin ornatý jobasy júzege asyrylýda. Josparly tekserý kezinde tehnologııalyq peshterdiń murjalaryna avtomattandyrylǵan baqylaý júıesin montajdaýǵa qajetti barlyq jumys oryndaldy», delingen qoǵammen baılanys bólimi taratqan aqparatta.
