Turaqtylyqty, etnosaralyq kelisimdi qamtamasyz etý – memlekettik saıasattyń mańyzdy basymdyqtarynyń biri. Bul rette elimizdegi joǵary oqý oryndary ǵylymı baza bolyp sanalady. Osylaısha, etnosaralyq tatýlyq pen kelisimdi nyǵaıtýda, etnosaıasatty nasıhattaý baǵytynda Qazaqstan halqy Assambleıasy kafedralarynyń qaýymdastyǵy qurylǵan edi.
– QHA kafedralary 10 jyl ishinde ǵylymı-bilim berý, oqý-ádistemelik, áleýmettik-tárbıelik, qoǵamdyq-mańyzdy jáne ǵylymı-saraptamalyq baǵyttardy qamtıtyn biryńǵaı júıe qurdy. Qazaqstan birligin nyǵaıtýdyń jańa pármendi quraldaryn qurý etnosaralyq kelisim salasyndaǵy memlekettik saıasatty tıimdi iske asyrý úshin ınstıtýsıonaldyq jáne ınfraqurylymdyq bazany kúsheıtýge múmkindik beredi, – dedi Assambleıa tóraǵasynyń orynbasary Marat Ázilhanov.
Forýmda qoǵamdyq kelisim men jalpyulttyq birliktiń otandyq modelin, sondaı-aq stýdentter arasynda toleranttylyq pen birlikti nasıhattaýda biryńǵaı ǵylymı jáne oqý-ádistemelik tásilderdi ázirleý máselesi keńinen sóz boldy. Osyǵan baılanysty plenarlyq sessııa barysynda BAQ-ta QHA kafedralarynyń mártebesin kóterý, ǵylymı-saraptamalyq, bilim berý jáne aǵartýshylyq baǵytynda aqparattyq-túsindirý jumystaryn ilgeriletý suraqtary jan-jaqty talqylandy. Sondaı-aq «Etnosaıasattanýshy» koých-platformasyn qurý ıdeıasy usynyldy.
