Foto: ashyq derekkóz
«Tolyq emes otbasy» - erli-zaıyptylardyń ajyrasýy ne bireýiniń qaza bolýy saldarynan neke buzylyp, bir adam bala tárbıelep otyrǵan otbasy. Aıta ketsek, bul sanat zań aıasynda bekitiledi.
Tolyq emes otbasylar memleketten baspana alý úshin arnaıy kezekke turýǵa tıis ekeni barshaǵa belgili. Biraq kezek talabyn ekiniń biri bile bermeıdi.
Turǵyn úı kezegine turý úshin:
- Qazaqstan azamaty bolý;
- О́tinish berýshi men otbasy múshelerinde (áıeli/kúıeýi, balalary) sońǵy bes jylda jalǵa bergen baspanany qosa alǵanda, úı bolmaý qajet;
- Ne bolmasa:
— baspana bekitilgen sanıtarlyq normalarǵa saı emes,
— japsarlas, oqshaýlanbaǵan bólmelerde eki ne odan kóp otbasy turatyn,
— otbasy quramynda sozylmaly aýrýdyń aýyr túrine shaldyqqan kisi bolyp, onymen bir páterde turý múmkin bolmaý kerek; - Astana, Almaty, Shymkentte kem degende úsh jyl tirkelý mindetti. Al basqa qalalarda merzimi mańyzdy emes.
«Áleýmettik osal toptaǵy tolyq emes otbasylarǵa ákimdik merzimin uzartý quqyǵymen úsh jylǵa páter jalǵa beredi. Ol qatysýshynyń otbasy múshelerine muragerlik jolmen ótedi. Alaıda mundaı múlikti satýǵa, kepilge qoıýǵa, aıyrbastaýǵa bolmaıdy. Kommýnaldy tólemderdi qospaǵanda, aıyna shamamen 10-15 myń teńge tóleý kerek. Bunyń kemshiligi de bar, kezekte 10 jyl turýyńyz múmkin», delingen aqparattyq habarlamada.
Baspana kezeginde turǵan qoǵamnyń áleýmettik osal toptary úshin arnaıy «5-10-20» (burynǵy «Shańyraq») baǵdarlamasy iske qosylǵan.
- 5 % - banktiń syıaqy mólsherlemesi;
- 10 % - bastapqy jarna;
- 20 jyl - nesıe merzimi.
Atalǵan baǵdarlama boıynsha Otbasy bank nesıe rásimdeıdi.
«О́tinimder otbasybank.kz saıty arqyly beriledi. Úmitker tek ózi turatyn óńirdegi belgili bir nysannan úı tańdaı alady, biraq ol úshin ǵımarat qurylysy aıaqtalyp, qoldanysqa berilýi kerek. Sondaı-aq qatysýshylar qurylys barysyn ózderi baqylap otyrýǵa tıis», delingen habarlamada.
