Zııatkerler bıyl jaz aıynda Ońtústik Koreıada «The World Scholar’s Cup-2023» kontınenttik týrnırde úzdik komanda tanylyp, chempıondar birinshiliginiń aqtyq kezeńine joldama alǵan bolatyn.
Áıgili Aıvı lıgasyna kiretin Iel ýnıversıtetinde ótken dástúrli chempıondar týrnırinde álemniń qyryqtan astam elinen 3000-ǵa jýyq oqýshylar Scholar’s Challenge, Scholar’s bowl, Team Debate,Collaborative Writing baǵyttarynda baq synady. Tartysty saıysta elimizden barǵan zııatkerler oza shaýyp tórt altyn jáne bir kúmis medaldi qanjyǵalady.
Altyn medal Aıla Saılaýbekke «Scholar’s Challenge» sanatynda buıyrsa, Aılın Qajymuqan «Team Debate», Erasyl Serikov men Eńlik Berikjan «Scholar’s bowl» sanatynda jeńiske jetti. «CollaborativeWriting» boıynsha Balnur Amanjol altyn medal, Mustafaryza Shahın kúmis medaldi enshiledi.
Komandalyq jarysta Aıla Saılaýbek, Aılın Qajymuqan, Mustafaryza Shahın Ortalyq Azııanyń eń úzdik komandasy ataǵyn jeńip alyp, altyn medal ıegeri atandy.
Aǵylshyn tili jáne jahandyq perspektıvalar men jobalyq jumys pánderi muǵalimi Áıgerim Serikbaevanyń aıtýynsha, chempıondar týrnırin tek kezekti jahandyq jarys dep aıtý azdyq etedi. Jeńimpazdarǵa myqty degen komandalarmen, sonymen birge Iel ýnıversıtetiniń professorlary jáne stýdentterimen kezdesti.
Amerıkanyń jetekshi ýnıversıtetine túsý úshin World Scholar's Cup álemdik kýbogi saıysyndaǵy jetistikterin portfolıolarynda qalaı paıdalanýǵa bolatynyna arnalǵan pikirtalasta NIS oqýshylary tyń aqparattarmen tanysýǵa múmkindik aldy.
ALMATY
