primeminister.kz
Úkimette ótken keńeste Álıhan Smaıylovtyń 6 qazanda Shyǵys Qazaqstan oblysyna jumys sapary kezinde bergen tapsyrmalaryn oryndaýǵa qatysty sharalar qozǵaldy.
«Ortalyq memlekettik organdar men ákimdik basshylarynyń qatysýymen oblystaǵy Qandysý jáne Úıdene sý qoımalaryn, sondaı-aq óńirdiń sýarmaly jerlerindegi sharýashylyqaralyq jáne sharýashylyqishilik kanaldardy kúrdeli jóndeý máseleleri talqylandy. Premer-mınıstr jalpy respýblıka boıynsha kóptegen sý qoımalaryn kúrdeli jóndeý qajet ekenin, sondyqtan bul jumysty kezeń kezeńimen júrgizý kerektigin atap ótti. Eń aldymen, basym jobalarǵa basa nazar aýdarý kerek», delingen aqparatta. Keńes barysynda Buqtyrma sý qoımasy arqyly kópir salý, respýblıkalyq jáne jergilikti mańyzy bar kúre joldarǵa jóndeý jumystaryn júrgizý, týrıstik nysandarǵa kelýshilerge jaǵdaı jasaý úshin jol ınfraqurylymyn iske asyrý máselesi de talqylandy.
Úkimet músheleri «Altaı» kóterme-taratý ortalyǵy, Rıdder qalasyndaǵy emhanasy bar kópsalaly aýrýhana keshenin salýdyń jaıyn da talqylady. Taý-ken metallýrgııa keshenine ınvestorlar tartý, qoldanystaǵy sý elektr stansalaryn jaqsartý jáne jańa shaǵyn stansalar salý, jylý kózderindegi jóndeý jumystarynyń barysyn baqylaýdy qamtamasyz etý jáne basqa da birqatar máseleniń jaıy aıtyldy. Úkimet basshysy osy jobalardyń ýaqytynda oryndalýyn qadaǵalaý qajettigin eskertti.
«Múddeli memlekettik organdarmen birlesip, Marqakól jáne Katonqaraǵaı aýdandaryn qalpyna keltirý jumystaryn qamtamasyz etýdi tapsyramyn. Ákimdikpen birlesip, tapsyrmalardyń barlyǵyn ýaqtyly ári sapaly oryndaý úshin vedomstvoaralyq ózara is-qımyldy kúsheıtý qajet», dedi Á.Smaıylov.
