О́ńirlik bóliniste eńbek ónimdiligin arttyrý baǵyty boıynsha eń kóp ótinim Almaty (75), Astana (65) jáne Shymkent (48) qalalarynan joldanǵan. Salalyq bóliniste memlekettik yntalandyrý sharalaryna ótinishterdiń basym bóligi mashına jasaý (100), agroónerkásip kesheni, azyq-túlik pen sýsyndar (61) jáne jeńil ónerkásip (50) kásiporyndarynan kelgen.
О́nimdi ilgeriletý baǵyty boıynsha eń kóp ótinimdi Qaraǵandy oblysynyń (62), Almaty (35) jáne Aqtóbe oblysynyń (26) kásiporyndary, al salalyq turǵyda jeńil ónerkásip (72), mashına jasaý (68), hımııalyq jáne farmasevtıkalyq baǵyttaǵy (51) kásiporyn jiberipti.
Esepti kezeńde QazIndustry mamandary kásiporyndardyń shyǵyndarynyń bir bóligin óteý sharttary men tetikterin túsindirý boıynsha 550-den asa aýyzsha keńes bergen. Sondaı-aq mamandar túrli konferensııa men forýmǵa qatysyp, ashyq esik kúnderi, óndiris ókilderimen kezdesýler jáne óńirlerde arnaıy semınar-keńester uıymdastyryldy.
Eske sala keteıik, QazIndustry ónerkásipti yntalandyrý jáne kásiporyn shyǵyndarynyń bir bóligin óteý boıynsha qyzmetter kórsetedi.
Mundaı kómek kásiporyndardyń múmkindigin molaıtyp, órisin keńeıte túsýge úlken septigin tıgizedi. Mysaly, ortalyq almatylyq tigin fabrıkasynyń únemdi óndiris elementterin engizý úshin ketken shyǵynynyń 40 paıyzyn ótep bergen. Kompanııa málimetinshe, bul kómek fabrıka jumysyndaǵy kemistikterdi azaıtyp, turaqtylyq pen jumys úderisiniń júıesin saqtaı otyra eńbek ónimdiligin 12 paıyzǵa arttyrýǵa múmkindik bergen. Atalǵan almatylyq tigin fabrıkasy arnaıy kıimderdiń 100-den asa túrin shyǵarady. Kıimder zamanaýı qytaılyq qurylǵylardyń kómegimen tigiledi.
Degenmen kompanııa basshylyǵynyń aıtýynsha, júıeli problemalar kompanııa ımıdjine uzaq ýaqyt boıy keri áserin tıgizdi. О́z kezeginde bıznes-strategııa sabaqtary men QazIndustry-diń ishki naryqty alǵa jyljytýdaǵy qoldaýy kásiporyndaǵy jaǵdaıdy aıtarlyqtaı ózgertken.
«Jumys kıimin tigý sehynda japondyq Kaıdzen fılosofııasynyń engizilýimen jumys sapasy turǵysynan bolsyn, jeke ýaqytyn basqarý turǵysynan bolsyn árbir qyzmetker ózin-ózi tártipke keltirdi. Jumystyń máni arta tústi. Eńbek ónimdiligi kúsheıdi jáne kemshilikter azaıdy. Memlekettiń biz sekildi ónerkásiptik óndiris oshaqtaryna qoldaý kórsetip jatqany qýantady», deıdi kompanııa basshysy Ádiljan Turǵanov.
30 paıyz kólemindegi ótemaqyny «Astana Ceramic» JShS da alǵan. Sonyń nátıjesinde kásiporyndaǵy óndiristiń turyp qalý kórsetkishi 32 paıyzdan 7 paıyzǵa tómendep, keramıkalyq kirpish óndirisi 15 paıyzǵa ulǵaıǵan.
«Zaýyt jylyna 30 mln keramıkalyq kirpishti úsh túrde óndiredi. 2018 jyly kásiporynǵa modernızasııa jasaldy jáne biz belgili fýnksıonaldyq qyzmet kórsetý qıyndyqtaryna tap boldyq. Tezirek retke keltirmesek, úlken shyǵynǵa batyp qalýdyń az-aq aldynda edik», deıdi kásiporyn basshysy Serik Qojahanov.
Aıta keteıik, shyǵyndardy óteý kómegi ekonomıkanyń basym sektorlarynda ındýstrııalyq-ınnovasııalyq jobalardy iske asyratyn ne otandyq óńdelgen taýarlardy, jumystar men kórsetiletin qyzmetterdi ishki jáne syrtqy naryqtarǵa ilgeriletý jónindegi qyzmetti júzege asyratyn jeke jáne zańdy tulǵalarǵa kórsetiledi.
