Qoǵam • 09 Jeltoqsan, 2023

Kostenko shahtacy: Tergeý jónindegi Úkimettik komıssııa jumysyn aıaqtady

250 ret

kórsetildi

1 mın

oqý úshin

Búgin Qaraǵandy oblysyndaǵy Kostenko atyndaǵy shahtadaǵy jarylysqa ulasqan órttiń sebepterin tekserý jónindegi Úkimet komıssııasynyń qorytyndy otyrysy ótti. Qazaqstannyń, qıyr jáne taıaý shetelderdiń ǵylymı-zertteý jáne saraptamalyq uıymdaryn tarta otyryp, tehnıkalyq qujattamany, aıǵaqtardy jáne basqa materıaldardy zerdeleý boıynsha egjeı-tegjeıli jumystar júrgizildi, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.

Shyńǵys MUQAEV

Kostenko shahtacy: Tergeý jónindegi Úkimettik komıssııa jumysyn aıaqtady

Foto: gov.kz

Nátıjesinde, órt jáne metan-aýa qospasynyń odan ári jarylýy qyrǵysh konveıer elementteriniń soqqysy men úıkelisinen paıda bolǵan mehanıkalyq ushqynnan gazdyń (metannyń) tutanýynyń bolǵany anyqtaldy. Gazdyń ózi astyńǵy tósemeden bólingen.

TJM

Komıssııa ónerkásiptik qaýipsizdik talaptarynyń buzylýshylyqtaryn da anyqtady. Naqty aıtqanda, jumystyń tolyqqandy uıymdastyrylmaýy jáne qaýipti óndiristik faktorlarǵa qajetti óndiristik baqylaýdyń joqtyǵy atap ótildi. Olardyń qataryna turaqty shahtalarda shań men jarylysqa qarsy sharalardy oryndaý da jatady.

Komıssııa jumysynyń qorytyndysy boıynsha jumys berýshiniń kinási 100% anyqtalyp, jumysty qaýipsiz oryndaý talaptaryn buzǵan 19 jaýapty tulǵa anyqtaldy.

Eńbek zańnamasyna sáıkes tergeý materıaldary quqyq qorǵaý organdaryna berildi.