Sot jarııalylyǵy – qoǵam suranysy

Semınarǵa qatysýshylar aldynda al­ǵash bolyp sóz alǵan Frıdrıh Ebert atyn­daǵy qordyń Astanadaǵy ókildiginiń bas­shysy Záýresh Shýtova qor qyzmeti, jarııa­lylyq normalary jáne álem elderi sýdıa­la­ry­nyń BAQ ókilderimen qarym-qatynas qaǵı­dat­ta­ry­ týraly jan-jaqty áńgimeledi.

Joǵarǵy Sottyń sýdıalary Elena Mak­sıý­ta men Nazgúl Rahmetýllına, Quqyqtyq me­dıa ortalyǵynyń ókil­­deri Gúlmıra Bir­ja­nova men Dıana Med­ved­nıkova jýrna­lısterdi quqyq qol­da­nýdyń, úderistik zańnama men sot úderisiniń qyr-syrymen barynsha­ tolyq tanystyrdy. Taqyrypqa qa­tysty otandyq sot tájirıbesinen naq­­­ty­ly derek-dáıekterdi alǵa tartty. Máselen, spıkerler jınalǵandarǵa sot talqylaýyn, onyń ishinde jabyq túrde ótetin sot úderisterin jarııalaý kezinde jýrnalıs­ke neni bilý kerektigi, sotta óz beınesin kórsetý quqyǵy, kinásizdik prezýmpsııasy, qupııa jáne derbes derekter, sottaǵy jýrnalıst minez-qulqynyń etıkalyq normalary, sot sheshimderinen alynǵan aqparatty durys paıdalaný, sottar men BAQ ókilderiniń ózara is-qımylynyń ózekti máseleleri týraly tolyqqandy quqyqtyq keńester berdi.

Semınardyń ınteraktıvti bóligi jýr­nalısterdiń praktıkalyq keısterin bólý jáne rólderdi aýystyrý arqyly sot úderisin beıneli sahnalaýmen erek­shelendi. Atap aıtqanda, JS sýdıalary BAQ ókilderi, al jýrnalıster – sýdıa,­ prokýror, advokat, kýá, aıyptalýshy jáne prıstav rólinde bolyp kórdi. Semınar barysynda spıkerler is-sharaǵa qatysýshylardyń túrli suraǵyna jan-jaqty jaýap berdi.

Jalpy, Joǵarǵy Sottyń, oblystarda, astanada jáne respýblıkalyq mańyzy bar qalalarda aýmaqtyq bólimsheleri bar jergilikti jáne basqa da sottardyń qyzmetin uıymdastyrýshylyq-quqyq­tyq, aqparattyq-taldamalyq jáne mate­rıaldyq-tehnıkalyq qamtamasyz etýdi júzege asyratyn sot ákimshiligi mundaı mazmundaǵy semınar-keńester ótkizip turýdy dástúrge aınaldyrǵan. Burynyraqta osyndaı semınarlar Ádil sóz, OBSE, AVA ROLI, Internıýs syndy bedeldi qoǵamdyq uıym, qorlarmen birlesip ótkizildi. Júıeli jumystardyń nátıjesinde ýákiletti memlekettik organ sıfrlandyrýdy damytý, jasandy ıntellekt pen robottandyrý elementterin engizý máseleleri boıynsha álemdik reıtıngte 47 eldiń arasynan 4-orynǵa kóterildi. Qazan aıynda Argentınada ótken Sot ákimshiligi jónindegi halyqaralyq qaýymdastyqtyń otyrysynda Sot ákimshiliginiń basshysy Naıl Ahmetzakırov osy uıymnyń vıse-prezıdenti bolyp saılandy.

Aıta ketken jón, Germanııanyń demo­kra­­tııalyq jolmen saılanǵan tuńǵysh prezıdenti Frıdrıh Ebert atyndaǵy qor (FES) – baı dástúri bar, eń turaqty saıası qorlardyń biri. Qor jumysy áleýmettik demokratııanyń negizgi ıdeıa­lary men qundylyqtaryna – erkindik, ádildik jáne yntymaqtastyqqa baǵyt­talǵan. 100-den astam elde orna­las­qan halyqaralyq keńseler jelisi arqyly beıbit yntymaqtastyq pen adam quqyqtary jónindegi saıasatty qoldaıdy, demokratııalyq, áleýmettik jáne konstıtýsııalyq qurylymdardy qurýǵa jáne nyǵaıtýǵa járdemdesedi.