Foto: gov.kz
Iske asyrylatyn is-sharalardyń qatarynda damýdyń ınstıtýsıonaldyq negizderin qurý, ózara is-qımyldyń dıalogtyq formatyn qurý, úkimettik emes sektor men volonterler qoǵamdastyǵyn ózekti máselelerdi sheshýge tartý júıesin jetildirý bar.
«Birinshi baǵyt boıynsha Memleket basshysynyń tapsyrmasy aıasynda «Qoǵamdyq baqylaý týraly» jańa Zań jáne oǵan ilespe Zań qabyldandy. Olar qoǵammen qatar talqylanyp, saraptalyp daıyndaldy. Zańdarda sýbektiler men obektilerdiń bazalyq qaǵıdalary men qaǵıdattary, quqyqtary men mindetteri, qoǵamdyq baqylaý nysandary aıqyndalǵan. Alǵash ret zańnamalyq deńgeıde petısııalar ınstıtýty engizildi. Oǵan qosa 21 jeltoqsanda azamattardyń birlestikter qurýdaǵy erkindik quqyqtaryn keńeıtýge baǵyttalǵan «Qoǵamdyq birlestikter týraly» Zańǵa ózgerister engizý týraly QR Zańyna qol qoıyldy», dedi A. Balaeva Ortalyq kommýnıkasııalar qyzmetinde ótken brıfıngte.
Qoǵamdyq keńesterdiń qyzmetin qaıta formattaý boıynsha qarqyndy jumys júrgizildi. Olardyń quramyndaǵy azamattyq sektordyń ókildigi 23,5%-ǵa ósip, 86%-dy qurap otyr. Keńesterdegi jastardyń úlesi 10%-ǵa deıin ósti.
Aıta ketsek, mınıstrlik volonterler qozǵalysyn belsendi damytyp jatyr. 2020 jyldan bastap respýblıkalyq jáne óńirlik front-ofıster jumys isteıdi. Aýqymdy jumys nátıjesinde volonterler uıymdarynyń sany 3 esege, belsendi volonterler sany 5 esege artty.
Úkimettik emes uıymdarmen ózara is-qımyldyń ártúrli dıalogtyq formattary qamtamasyz etilip jatyr.
«Osyndaı alańdardyń biri – 2023 jyldan beri júıeli negizde jumys istep kele jatqan Qazaqstannyń Azamattyq forýmynyń platformasy. Mańyzdy dıalog alańy – Ulttyq quryltaı. Quryltaıdyń ekinshi otyrysynda Memleket basshysy jańa qoǵamdyq etıkany qalyptastyrý, «Ádiletti Qazaqstan» qurý, sondaı-aq «Adal azamat» qalyptastyrý jóninde naqty tapsyrmalar berdi. Osy mindetterdi sheshý úshin biz jumys istep jatyrmyz», dedi mınıstr.
