Joǵalǵandar jaıynda áleýmettik jeliden málim boldy.
26 jeltoqsan tańǵy saǵat 7.00 shamasynda Stepnoı eldimekeninde 58 jastaǵy áıel men 11 jasar qyz jolaı ótip bara jatqan kólikti toqtatyp minemiz dep úıden shyǵyp ketken.
Sodan beri qaıda júrgeni belgisiz. Olar Tobyl qalasyn betke alǵan edi.
- Izdeý-qutqarý jumysyna eriktiler, polısııa, ákimdik qyzmetkerleri men qutqarýshylar jumyldyrylǵan. Bul iske 2 kvadrosıkl tartyldy. Qazirgi ýaqytta izdeý jumystary jalǵasyp jatyr, — dep habarlady Qostanaı oblysy tótenshe jaǵdaılar departamentiniń baspasóz qyzmeti.
Bul jumysty qolaısyz aýa raıy da qıyndatyp otyr. Búgin Qostanaı oblysynda qarly boran soǵyp tur.
Burqasynda qar qursaýynda qalǵan adamdar jylytý pýnktine jetkizilip jatyr.
