2023 jyldyń 28 jeltoqsan kúni Ádilet mınıstrliginiń «Ulttyq zııatkerlik menshik ınstıtýty» RMK, Aýyl sharýashylyǵy mınıstrligi Aprobasııa jónindegi memlekettik komıssııasynyń qorytyndysy negizinde seleksııalyq jetistikke alty patent berý týraly sheshim qabyldady jáne seleksııalyq jetistikterdiń memlekettik tiziliminde tirkedi.
Osynyń negizinde Adaı jylqysynyń jańa tuqymdaryn Qazaqstan Respýblıkasynyń seleksııalyq jetistigi retinde tirkeý jáne patent ıelenýshiniń seleksııalyq jetistikti paıdalanýǵa aıryqsha quqyǵyn, onyń basymdyǵy men seleksıonerdiń avtorlyǵyn kýálendiretin patent berdi. Al búgin patent berý týraly málimetter resmı bıýlletende jarııalandy.
Esterińizge sala keteıik, Memleket basshysy Qasym-Jomart Toqaevtyń Mańǵystaý oblysyna saparynyń qorytyndysy boıynsha Úkimetke Adaı asyl tuqymdy jylqysyn ǵylymı turǵydan dáleldeý jáne ósimin molaıtý boıynsha jedel jumys júrgizý týraly tapsyrma berilgen bolatyn. Adaı jylqysynyń ulttyq brend bolyp tanylýy ony odan ári saqtaýǵa, irikteýge jáne damytýǵa yqpal etetin bolady.
