Jaıly jataqhana

Ýnıversıtet rektory Marat­bek­ Ǵabdýllınniń aıtýynsha, qazirgi kezde stýdentterge jaǵ­daı jasaý maq­sa­tynda ıgi ister jal­ǵasyn taýyp­ ja­tyr. Osyǵan oraı jalpy aýdany­ 14 myń sharshy metrden asatyn eki jańa ǵımaratta 980 oryndyq jataqhana men sport kesheniniń qurylysy aıaqtaldy. Osylaısha, oqý ordasy stý­dentterdiń turǵyn úı qajettiligin qam­tamasyz etip otyrǵan ýnıversıtet­ter qataryna qosyldy. Jataqhana jos­parlanǵan merziminde tapsyrylyp, qurylys jumystary ýnıversıtettiń jeke qarajaty esebinen júrgizilgen. Merdiger – BI-Group qurylys kom­pa­­nııasy. Ýnıversıtettegi stý­dent­­tik basqarmanyń jetekshisi Dıana Serikbaeva jańa jataqhana aka­de­mııa­lyq otbasy úshin bilim, ǵylym salasynda­ damýǵa yqpal etip, stýdentterdiń qutty úıine aınalatynyna senim bildirdi.

Almatyda jataqhana tapshylyǵyn azaıtý maqsatynda byltyrǵy jazdan beri Jobalyq keńse jumys istep keledi. Qala ákimi Erbolat Dosaev 2025 jyldyń sońyna deıin 12 myń, 2030 jyldyń sońyna deıin 20 myń orynmen qamtamasyz etetinin aıtqan bolatyn. Qazirgi kezde jobany qoldaýǵa 114 áleýetti ınvestor ótinish bildirip otyr. Qazaqstan-Brıtan tehnıkalyq ýnıversıteti osy baǵytta Almaty qalasy ákimdigimen, Ǵylym jáne joǵary bilim mınıstrligimen tyǵyz baılanysta. Jataqhana máselesiniń ózektiligin eskere otyryp, basqa qala­dan kelip oqıtyn barlyq stýdentti qam­tamasyz etý maqsatynda zamanaýı talap­tarǵa saı jańa ǵımarattar salý týraly sheshim qabyldaǵan edi.

Ýnıversıtettiń Aqparattyq tehnologııalar jáne ınjenerııa mektebiniń magıs­tranty Sımon Nýtsýglonyń aıtýynsha, jataqhananyń ashylýy – ýnı­ver­­sıtet úshin ǵana emes, álemniń túk­pir-túkpirinen kelgen stýdentter úshin de ma­ńyzdy oqıǵa. Al jańa ǵımarat ja­ńa ıdeıalar men jańa jetistikterge jete­­leıdi.

Jataqhana korpýstarynda oqý, de­malys, as bólmeleri, 120 oryndyq akt zaly, 70 oryndyq ashana, kıim jýa­tyn oryndar, tósek-oryndardy qa­byl­daıtyn jáne tapsyratyn ból­me­ler qaras­tyrylǵan. Sondaı-aq jedel­sa­ty, beıne­baqylaý kameralary men Wi-Fi qo­syl­ǵan.

ALMATY