Foto: baq.kz
«Taý-ken jumystaryn júrgizý qaýipsizdigi erejelerin buzýǵa baılanysty tergeý jónindegi komıssııa quryldy. Is boıynsha prosessýaldy prokýrorlar taǵaıyndaldy. Qazba ornynan avtobýstyń birneshe fragmentteri men qutqarýshylardyń jeke jabdyqtary jer betine kóterildi. Qazirgi ýaqytta oqıǵa ornyna jol salý úshin topyraq shyǵarylyp, geoskanerleý júrgizildi, shaǵyn kólemdi ekskavatorlar túsirildi, eki qutqarýshyny izdeý jalǵasyp jatyr. Taý jynystarynyń turaqsyzdyǵyna jáne shuńqyr astynda qýys jerler paıda bolyp, topyraqtyń basýyna baılanysty jumystardy júrgizý qıynǵa soǵyp tur», dep habarlady Bas prokýratýra.
Qazirgi tańda izdestirý-qutqarý jumystaryna 147 adam, 45 tehnıka, 3 kınologııalyq esep jáne 2 ushqyshsyz ushý apparaty jumyldyrylǵan.
Qylmystyq isti tergeý barysynda kásiporynnyń 40-tan astam qyzmetkerinen, sondaı-aq JShS basshylyǵynan jaýap, qajetti qujattar, beınebaqylaý kamerasynan jazbalar alyndy.
Is boıynsha joldyń opyrylyp qulaý sebepterin anyqtaý úshin eldiń ártúrli aımaqtarynan taý-ken-qurylys jumystary salasynyń mamandary shaqyrylyp, birqatar saraptama taǵaıyndalǵan.
Tergeý Bas prokýratýranyń baqylaýynda.
