Sebebi, zań boıynsha ártis memlekettik syılyqtan bas tarta almaıdy.
«Byltyr orden alǵanym úlken daýǵa ulasqanyn bilesizder. Negizi sondaı marapatqa laıyq bolǵanyma qatty qýanǵanmyn. Eńbektiń baǵalanǵany durys. Degenmen áleýmettik jelide úlken aıqaı-shýǵa aınaldy. Sol kezde ózimdi qatty yńǵaısyz sezindim. Anam es bilgeli “halyqtan úlken emessiń, birinshi orynda halyq” dep sanamyzǵa quıyp ósirdi. О́ner adamy bolǵasyn halyqpen tikeleı jumys isteısiń. Qazaqstandyqtardyń pikirine baǵynyp, marapattan bas tartý týraly sheshim qabyldadym. Biraq zań boıynsha ártis memlekettik syılyqtan bas tarta almaıdy eken», dedi óner ıesi.
Onyń sózinshe, eger ártis burynǵy marapattarynan bas tartsa, onda jaǵymsyz áreketi úshin qaıtaryldy dep aıtylady. Sondyqtan ol zańǵa baǵynǵan kórinedi.
«Maǵan senim artyp, ónerime janashyr bolyp jatqan tyńdarman qaýymdy qurmetteımin. Qazir barlyq ataq-marapatym ózimde qaldy», deıdi ánshi.
Sonymen qatar Álı Oqapov osy kúnge deıin alǵan statýetka men marapattaryn jınap, tıisti baǵdarlama ókilderinen alyp ketýdi ótingenin jetkizdi.
«Sol kúni barlyq marapatymdy qaıtaryp berý týraly sheshimge keldim. Biraq olar áli kúnge deıin úıimde jatyr. О́ıtkeni baǵdarlamanyń deni jabylyp qalǵan. Qaıtaryp beretin ókilderi túrli salaǵa ketip qalǵan. Men negizi alyp ketińizdershi dep usyndym. Biraq ony eshkim alǵysy kelmedi. Bul ómir ǵoı, bárine birdeı unaý múmkin emes jáne ol kerek te emes», deıdi sazger.
