Foto: mazhilis_kz
Jıynǵa atalǵan komıtet tóraǵasy Ashat Aımaǵambetov jetekshilik etti. Zań jobasyn Týrızm jáne sport vıse-mınıstri Serik Jarasbaev tanystyrdy.
Eldiń ishki chempıonatynyn býkmekerlik keńse atymen ataý qanshalyqty aqylǵa qonymdy? Zań jobasyn talqylaý boıynsha qurylǵan jumys tobynyń jetekshisi depýtat Nartaı Sársenǵalıev el chempıonatyna býkmekerlik kompanııalardyń suǵyna kirip ketkenine qynjylys bildirdi.
Lýdomanııamen kúres, oıyn bıznesin retteý týraly zańnama ázirlenetinin jetkizgen S. Jarasbaev mınıstrlik te oıyn bıznesimen býkmerkerlik kompanııalardyń qanat jaıýyn qoldamaıtynyn jetkizdi.
«Eshbir eldiń fýtboldan ishki birinshiligi býkmekerlik keńse ataýymen atalmaıdy. Fýtboldan Qazaqstan Premer-lıgasynyń býkmekerlik kompanııa ataýymen atalýy durys emes. Sondyqtan da biz talqylanyp otyrǵan zań jobasyna býkmekerlik kompanııa atymen ataýǵa shekteý qoıý jóninde norma usynamyz», degen N.Sársenǵalıev vıse-mınıstrden resmı organnyń osy normaǵa qatysty ustanymyn surady.
Zań jobasyn tanystarǵan Týrızm jáne sport mınıstriniń orynbasary Serik Jarasbaev býkmekerlik keńseniń ishki birinshilik ataýyna telinetinine toqtam bolatynyn aıtty.
