«Uıqym kelmeıdi» baǵdarlamasyna qonaq bolǵan kompozıtor halyq ártisine arnap, «Máńgilik mahabbatym» degen án shyǵarǵanyn da málimdedi.
«Men shyn ǵashyq bolsam, uryp-jyǵatyn qasıetim bar. Ázil-shyny aralas, Maqpalǵa ǵashyq bolǵanym ras. Qýyrshaqtaı qyz edi. Osydan 33 jyl buryn «Máńgilik mahabbatym» degen ándi Ábdirahman Asylbekke jazdyrdym. 21 jastaǵy Maqpal sol ándi oryndaǵan. Qyz kúninde salmaǵy 25 kelige de jetpeıtin. Alaqanǵa salyp, kóterip turýǵa keletin, shynashaqtaı qyz edi. Biraq júregi keń, ónerge tazalyǵy kórinip turatyn. «Gúlderde»dúrkirep turǵan kezinde unatqanym bar. Biraq júrekti ǵashyq boldym dep bóle almaısyń. Zamanbek Nurqadilovke turmysqa shyqqan soń, jeńge dedim. Qazir aǵamyzdyń kózi ketken soń, ol meni «aǵa» dep júr», dep ázildedi kompozıtor.
Sondaı-aq halyq ártisi de bul sózdi rastap, jastyq shaǵyn eske alǵan edi.
«Erterekte, 20 jasar kezimizde Altynbek aǵam án usynǵan edi. «Men saǵan ǵashyqpyn» dep sol kezde aıtatyn. Biraq jeńgemizden qoryqty ma, jaqyndaı alǵan joq. Syrttaı ǵashyqpyn dep júretin. Sol kezde «Máńgilik mahabbatym» degen ándi saǵan arnadym dep alyp kelgeni esimde. Qazir jeńgemiz qyzǵanbaıtyn shyǵar dep oılaımyn. Men 60-qa keldim, ol kisi 75-ke keldi», dep kúldi Maqpal Júnisova.
