Foto: vlast.kz
Ázirleýshi kompanııanyń bas dırektory Áset Ahmetov Sergek sheshimderiniń ıkemdi bolýymen erekshe ekenin atap ótti: «Indonezııada biz ázirlemelerimizdi qoldanystaǵy ınfraqurylymǵa biriktiremiz. Jobany júzege asyrý aldynda bizdiń mamandar úlken daıyndyq jumystaryn júrgizdi. Oǵan qosa, qaýipsizdik, kólik jáne ekologııa salasyndaǵy birshama zor tájirıbemizdiń arqasynda sheshimderimizdi Indonezııa úshin tıimdi túrde beıimdeýge bolatynyna senimdimiz», dep bólisti.
Pılottyq jobany daıyndaý barysynda qoldanystaǵy bas josparlar men strategııalar, qalanyń qajettilikteri men basymdyqtaryna taldaý júrgizildi. Sonymen qatar negizgi múddeli taraptar – Nýsantara men Balıkpapan qalalyq ákimshiligi jáne Kólik mınıstrligi ókilderiniń qatysýymen aqparat jınaý maqsatynda birqatar semınar ótkizildi.
Sergek Group jahandyq naryqtar boıynsha dırektory Alena Tkachenko: «Nýsantara – Astanamen baýyrlas qala, munda bizdiń sheshimderimiz «aqyldy» qala qurýda mańyzdy ról atqardy. Qazaqstannyń astanasynda biz qalanyń prosesteri men qajettilikterin, sondaı-aq adam áleýetin damytýdy eskere otyryp, tehnologııalardy ázirlep jasadyq. Bul tájirıbe keıinirek Nýsantaraǵa jáne, múmkin, tutastaı Indonezııaǵa qoldanylady», dep óz pikirimen bólisti.
Indonezııanyń bolashaq astanasy zamanaýı megapolıske aınalýǵa mindetti. Bul qalanyń damý strategııasynda belgilengen. Osy maqsatqa jetý úshin Nýsantara «aqyldy» qalanyń alty quramdastaryn belsendi túrde damytyp jatyr. Olardyń biri «kólik jáne mobıldilik». Dál osy komponent pılottyq jobanyń negizinde jatyr.
Buǵan deıin Nýsantara qalalyq ákimshiliginiń qorshaǵan ortany qorǵaý jáne sıfrlyq transformasııa jónindegi orynbasary, professor Mohammed Alı Beraýı ozyq tehnologııalardy engizý úshin atalmysh halyqaralyq yntymaqtastyqtyń mańyzdylyǵyn atap ótti. Indonezııanyń bolashaq astanasynyń sıfrlyq ekojúıesiniń dırektory Tonı Agýs Setıono da Nýsantarany zamanaýı qala ómiriniń úlgi-ónegesine aınaldyrý nıetin atap ótti. Osy oraıda ıntellektýaldy kólik júıesi sheshýshi ról atqarady.
Jobany júzege asyrý úshin otandyq kompanııa tehnologııa salasyndaǵy álemdik kóshbasshy Cisco kompanııasymen birlesip jumys istedi. Bul seriktestik Cisco ınfraqurylymyn paıdalana otyryp, tıimdi qosylymdy qamtamasyz etýge baǵyttalǵan. Cisco jelilik ınfraqurylymyn Sergek tehnologııalarymen biriktirý trafıkti boljaý men marshrýtty ońtaılandyrý arqyly kóshelerdegi keptelisterdi azaıtýǵa baǵyttalǵan bolashaqtaǵy jańa keısterge negiz bolady.
Indonezııadaǵy Cisco Systems basqarýshy dırektory Marına Kacharıbý yntymaqtastyqtyń mańyzdylyǵyn atap ótti: «Úzdiksiz, qaýipsiz jáne jyldam qosylý sıfrlandyrýdyń kez kelgen kúshiniń negizi bolyp tabylady. Osy pılottyq jobanyń bir bóligi retinde Sergek kompanııasynyń bizdi seriktes retinde tańdaǵanyna qýanyshtymyz. Bul yntymaqtastyq bizdiń tehnologııamyzdy ǵana emes, sonymen qatar Nýsantara seriktesteriniń ekojúıesi arqyly nátıjelerge qalaı qol jetkize alatynymyzdy dáleldeıdi. Cisco-da biz árqashan: «Eger siz ony elestete alsańyz, biz sizdi sol jerge aparatyn kópir salamyz» dep aıtamyz. Nýsantara qalalyq ákimshiligi jáne Sergek kompanııasymen jumys jasaý biz úshin úlken mártebe», dedi.
Sonymen qatar pılottyq jobany júzege asyrý maqsatynda Sergek Group jáne PT Telkom Indonesia kompanııalary arasynda Internetpen qamtamasyz etý boıynsha strategııalyq seriktestik jóninde kelisimge qol qoıyldy.
