Foto: akorda.kz
«Aldaǵy mindetterdi oryndaý úshin Úkimetke de, ákimdikterge de tıisti quzyret berilgen. Alaıda, bul múmkindikter kóp jaǵdaıda durys qoldanylmaı jatady. Sonyń kesirinen reformalardy júzege asyrý qarqyny báseńdep ketti. Mundaıdy doǵarý kerek», dedi Q.Toqaev.
Memleket basshysy ekonomıkalyq máselelerdi kóp talqylaý istiń mánin ózgertetinin tilge tıek etip, jedel sheshim qabyldaý arqyly uzaqmerzimdi jospardy qamtý máselesin alǵa tartty.
«Memlekettik organdar arasynda ózara kelisý men talqylaý jumysy aıaqtalǵansha, kez kelgen bastamanyń negizgi mán-mańyzy da ózgerip ketedi. Bıýrokratııany toqtatý qajet, bizge naqty nátıje kerek. Úkimet pen ákimder jumys isteý tásilin túbegeıli ózgertýge tıis. Jumys barysynda júıeli ustanym bolýy qajet. Máseleni jedel sheshýmen qatar, ekonomıkanyń uzaqmerzimdi damýyn qamtamasyz etý óte mańyzdy. Qazirgi jaǵdaıda ekonomıkamyzdyń meılinshe erkin damýyna mán berýimiz qajet. Elimizdi damýdyń jańa belesine shyǵaramyz desek, bul jumysty jedel jáne dáıekti túrde júrgizgen jón. Men byltyrǵy Joldaýymda jańa ekonomıkalyq saıasattyń negizgi baǵyttaryn aıqyndap berdim», dedi Prezıdent.
