Foto: Egemen.kz
(XX-XXI ǵǵ.)
Sultanmahmut Toraıǵyrov
1) Sóziń – óziń.
2) Dúnıe – qyzyqtyrǵan qyzyl kıik,
Bar adam qýǵan sony kóńili súıip.
Kópshiligi dalaqtap jete almaı júr,
Azshylyǵy kenelgen qolǵa tıip.
3) Dúnıede qyzyq bar ma ólmegendeı.
4) Tarıh ǵylymynyń paıdasy aldyńǵylardyń jibergen qatesin keıinginiń qaıtalamaýyna kómektesetindiginde jatyr.
5) Armanyń bolsyn, armanǵa qosa dármeniń bolsyn.
6) Ar azyǵy degenimiz – ádildik.
7) Adamdy baqytty qylatyn ar azyǵynyń er jetýi.
8) Taý basynda turǵandy jarǵa ıterme.
9) О́ler jerden kettik biz!
Osy kúnge jettik biz!
Jasaıdy alash, ólmeımiz!
Bernııaz Kúleev
1) Kóńil – darııa, oı – daýyl.
2) Búıterin kim bilipti bul jalǵannyń,
Sendim de, al degenin qabyl aldym.
Jolymnan jaýyz taǵdyr jańyldyrdy,
O, dúnıe aı! Mezgilimnen qapy qaldym.
Maǵjan Jumabaev
1) Osy kúni túrik tilderiniń ishinde qazaq tilinen baı, oramdy, tereń til joq. Túrik tilimen sóıleımin degen túrik balalary kúnderde bir kún aınalyp qazaq tiline kelmekshi.
2) Erdiń elge baǵasy – qany bir bolýynan emes, jany bir bolýynda.
3) Altyn úmit úzildi, tátti qııal buzyldy.
4) О́mir – ot ústinde salynǵan kópir.
5) Turanda túrik oınaǵan uqsap otqa,
Túrikten basqa ot bop jan týyp pa!
Kóp túrik enshi alyp tarasqanda,
Qazaqta qara shańyraq qalǵan joq pa!
(Erbol Shaımerdenuly qurastyrǵan «Qazaq aforızmderi» kitabynan iriktelip alyndy)
