Sýrette: KMF basqarma tóraǵasy Shalqar Júsipov jáne JICA Jeke sektordy qarjylandyrý jáne seriktestik departamentiniń bas dırektory Eıgo Adzýkızava
KMF – JICA Japonııa halyqaralyq yntymaqtastyq agenttiginiń Qazaqstandaǵy alǵashqy seriktesi. Birlesken joba aıasynda bul agenttik KMF-ke 50 mln dollar bólmek, al bul qarjy aýyldyq jerlerdegi shaǵyn kásipti qarjylandarýǵa baǵyttalady. JICA nesıe jelisi bul sektordaǵy ınvestısııalar kólemin ulǵaıtýǵa jáne 26 myńnan astam kásipkerdi qoljetimdi qarjylandyrýmen qamtýǵa múmkindik beredi.
– KMF alǵash ret JICA-men memorandýmǵa qol qoıdy, BUU-nyń turaqty damý maqsattaryn iske asyrýǵa baǵyttalǵan uıymnyń muraty men mıssııasy bizge jaqyn. Bul – naqty sektordy qoldaý, bıznes klımatyn jaqsartý jáne azyq-túlik qaýipsizdigin qamtamasyz etý. JICA arqyly qarjylandyrý aýyldaǵy kásipkerlerge jumys istep turǵan bıznesterin keńeıtýge, kiristerin arttyrýǵa jáne qosymsha jumys oryndaryn qurýǵa múmkindik beretin jobalardy júzege asyrýǵa baǵyttalady, – dedi KMF basqarma tóraǵasy Shalqar Júsipov.
KMF klıentteriniń 70%-ǵa jýyǵy aýyldyq jerlerde turady. Kompanııa respýblıkamyz boıynsha 4 myń eldi mekendi qyzmetimen qamtyp otyr. Qyzmetpen qamtý geografııasy kezdeısoq tańdalmaǵan, KMF strategııalyq baǵyttarynyń biri – aımaqtarda qarjylyq ınklıýzııany ilgeriletý. Kompanııa mamandary bıznesti damytýǵa arnalǵan nesıelerge qol jetkizý kedergisiz bolýy kerek dep esepteıdi. Sondyqtan klıentter úshin qarjy qyzmeti onlaın jáne oflaın formatta qoljetimdi. 700-ge jýyq jeke menedjer klıenttermen, olardyń bıznes ornynda jumys isteıdi, al KMF mobıldi qosymshasynda 170 myńnan asa tutynýshyǵa qyzmet kórsetiledi.
– Bizdiń strategııamyz aýyldaǵy kásipkerlikti, agrosektordy damytyp, bıznestegi áıelderdi qoldaýǵa baǵyttalǵan. Agrobaǵyttyń ózinde 111 myńnan asa klıentimiz bar. Al portfelimizdiń jalpy qurylymynyń 55%-y áıelderdiń úlesinde, – dedi Sh.Júsipov.
Shaǵyn kásipkerlikti damytý jáne óńirlerdegi bıznes-ahýaldy jaqsartýmen qatar KMF-te turaqty damý tujyrymdamasyna erekshe mán beriledi. JICA sııaqty halyqaralyq uıymdardyń ınvestısııalary kompanııaǵa qarjylandyrý kólemin ulǵaıtýǵa ǵana emes, sonymen qatar ESG qaǵıdattaryn engizýge múmkindik beredi.
– Biz «jasyl» tehnologııalar salasyndaǵy jobalardy iske asyrýǵa atsalysamyz, kásipkerlerge qýatty únemdeıtin jabdyqtardy satyp alyp, bıznesterin ekologııaǵa zııany tımeıtindeı damytýyna kómektesemiz. EQQDB-nyń «jasyl qarjylandyrý» baǵdarlamasy aıasynda jalpy somasy 2,2 mlrd teńge bolatyn 2 myńnan asa mıkrokredıt berdik, – dedi Sh.Júsipov.
Keıingi 19 jylda KMF sheteldik ınvestorlardan 600 mlrd teńgege jýyq qarajat tartty. Kompanııa mamandarynyń aıtýynsha, halyqaralyq kredıtorlardyń senimi KMF qyzmetiniń ashyqtyǵyna, senimdi bedeli men bıznesti damytýǵa, onyń ishinde áıelder kásipkerligin qoldaý arqyly genderlik teńsizdikti tómendetýge baǵyttalǵan negizgi mıssııasyn ustanýyna negizdelgen. Halyqaralyq yntymaqtastyqpen qatar KMF únemi «Damý» kásipkerlikti damytý qorynyń nesıelendirý baǵdarlamalary boıynsha operatory bolyp, mıkrobızneske jeńildetilgen qarjylandyrýdy usynyp keledi.
KMF – Qazaqstandaǵy eń iri mıkroqarjy uıymy. 1997 jyldan bastap jumys isteıdi, mıkro, shaǵyn jáne orta kásipkerlikti qarjylandyrady. KMF-tiń Qazaqstan boıynsha 17 fılıaly jáne 120 bólimshesi bar.
Mıkroqarjylyq qyzmetti júzege asyrý quqyǵyn beretin QNRDA-nyń 26.02.2021 jylǵy №02.21.0003.M lısenzııasy
