Qalalyq densaýlyq saqtaý basqarmasynan málimdegendeı, eki zeınetker ortalyq qalalyq klınıkalyq aýrýhanaǵa birdeı dıagnozben júgingen. Iаǵnı, julyn kanalyndaǵy júıke tininiń isigi.
Naýqastardyń aıtýynsha, olar jasyna jáne basqa da ilespe aýrýlaryna baılanysty ota jasatýǵa qorqyp, emshilerden shıpa izdegen. Biraq jaǵdaıy nasharlap, dárigerge kelgen.
«Otanyń qıyndyǵy — isiktiń julynnyń syrtynda emes ishinde ornalasýynda boldy. Julynnyń ózine zaqym keltirý qaýpi joǵary edi. Qudaıǵa shúkir, eki operasııa da sátti ótti jáne árqaısy shamamen 3,5 saǵatqa sozyldy. Bul otalardy jasaý barysynda biz óz qozǵalysymyzdy baqylaý jáne julynnyń saý bólikteriniń zaqymdanýyn boldyrmaý úshin neıromonıtorlar men neıronavıgasııalyq júıeni qoldandyq», deıdi OQKA neırohırýrgııa bóliminiń meńgerýshisi Marat Almatov.
Otadan keıingi kezeńde naýqastar stasıonarda ońaltýdan ótti, nátıjesinde 12 kún ishinde aıaqtyń nevrologııalyq buzylysynyń regressııasy 80%-ǵa deıin jetti.
