Iá, shynaıy ónerde shekara bolmaıdy. Áıtpese Q.Qýanyshbaev atyndaǵy akademııalyq qazaq mýzykalyq drama teatrynyń akteri Oljas Jaqypbekti talantty akter retinde tanyp, ol somdaǵan Jantyq, Iаgo, Májnún, Tólegen syndy tamasha beınelerimen qatar, kıno álemindegi «Týǵan eldiń tútini», «Kók tarlandary», «Muzdaǵy jalyn», «1286» telehıkaıalarynda somdaǵan basty rólderine tánti talǵamy bıik kórermen úshin osynyń ózi de úlken jańalyq. Áıtse de «jigitke jeti óner az, jetpis jeti óner kóp emes» degen tamasha qaǵıdany ómirlik ustanym etken Oljastyń álemin muhıt demeske sharań joq. Sahnada san alýan beınelerdi kemeline keltire keıiptep júrgen daryndy jan án áleminiń esiginen de ımenbeı kirdi. Al oǵan mundaı senim syılaǵan – tyńdarmanynyń tolassyz qoshemeti men sheksiz iltıpaty.
Áý bastan-aq úndemeı júrip úlken óner týdyrýǵa daǵdylanǵan talantty jigittiń qoıylym amlýasyna syımaı, kóńil qaltarystarynda qalyp qoıǵan sezimderin syrly saz etip shyǵaratyn tamasha qasıeti bar. Kóktemniń alǵashqy kúnderimen birge kóńilge de keremet qýanysh syılaǵan aıtýly keshte kórermen talantty akteriniń sazger retindegi ádemi álemine saıahat jasady. Ol jazǵan «Baqyt», «Taǵy da súı», «Saǵan qaraı...», «Kóktemge saǵynysh», «Júregime senemin», «Unaıdy», «Til tabysqandar», «Keıipkerim», «Jaýharym», «Tamshy», «Ǵashyqtar qalasy» syndy áýezdi ánderi keshke jınalǵan kórermenin kóńil pernelerin qozǵap, sezim syrlaryna boılatqany anyq. Mýzykalyq aspaptardyń súıemeldeýimen jandy daýysta oryndalǵan ánder syrshyldyǵymen kóńil baýrady.
– Men 1991 jyldyń 16 aqpanynda Semeı qalasy, Shubartaý aýdany, Barshatas aýylynda dúnıege keldim. Bala kúnimnen ákem sportqa beıimdegisi kelse, anam óner adamy bolǵanymdy qalady. Sonyń arqasynda sport pen mýzykany, jalpy ónerdi qatar ıgerdim. Mektep bitirgen jyly T.Júrgenov atyndaǵy Qazaq ulttyq óner akademııasyna «Teatr jáne kıno akteri» mamandyǵy boıynsha oqýǵa qabyldandym. Alǵashqy eńbek jolym osy Q.Qýanyshbaev atyndaǵy akademııalyq qazaq mýzykalyq drama teatrynan bastaldy. Bul teatrmen túıdeı qurdaspyz. Sondyqtan janyma jaqyn ortada óner týdyryp, ony kórermenińe usynýdyń ózi úlken ǵanıbet dep bilemin, – deıdi akter.
Oljas 2012 jyly bas qaladaǵy Qallekı teatryna akter bolyp qabyldanyp, osy óner ordasynyń sahnasynda qoıylǵan spektaklderde úlkendi-kishili rólderdi oınap, jurtshylyqtyń yqylasyna bólenip keledi. Kórermender akterdi teatr sahnasyndaǵy Jantyq, Iаgo, Májnún, Tólegen syndy kóptegen rólimen jáne «Týǵan eldiń tútini», «Kók tarlandary», «Muzdaǵy jalyn», «1286» telehıkaıalarynda somdaǵan basty rólderi arqyly jaqsy biledi. Oljastyń taǵy bir ereksheligi – ol ánge áýen jazyp qana qoımaı, spektaklderdi de mýzykamen árleýde jaqsy jetistiterge jetip júr. Atap aıtsaq, Q.Qýanyshbaev atyndaǵy teatr repertýarynda zor tabyspen júrip jatqan «Aıman-Sholpan» mýzykalyq komedııasynyń kompozıtory ári qoıýshy rejısseri retinde teatr mamandarynyń joǵary baǵasyn alsa, sonymen qatar «Qunanbaı», «Altaıdan aýǵan el» spektaklderiniń mýzyka avtory retindegi izdenisi de kórermen kóńilinen shyqty. Búginde Oljas Dálelhanulynyń shyǵarmashylyq áleýeti men talantyn baıqaǵan ózge teatrlar arnaıy shaqyryp, spektaklderinen úlken rólder men kompozıtorlyq jumystardy senip tapsyryp júr. Solardyń biri Aıgúl Imanbaevanyń jeke teatrynda (A.I teatry) M.Áýezovtiń «Qaragózinde» – Syrym, J.Rasınniń «Fedradasynda» – Ippolıtti oınap, kórermen kózaıymyna aınaldy. Rejısser Dına Qunanbaıdyń saraptaýynda qoıylǵan aıtýly spektakl 2018 jyly aqpan aıynda Reseıdiń «CHELoBekTEATRA» halyqaralyq kishi teatrlar forýmy aıasynda halyqaralyq sarapshylardyń nazaryna usynyldy.
Oljas Jaqypbek akterlikten bólek, sondaı-aq birneshe fılmge saýndtrek jazyp, kompozıtorlyq qyrymen de tanylyp júrgen talantty ártis. 2015 jyly «Altyn uıa» telehıkaıasy, 2017 jyly «Men seni súıemin, Aqerke» kórkem fılminiń, sonymen qatar «Balapan» telearnasyndaǵy «On saýsaq», «Op-ońaı» baǵdarlamalarynyń mýzykamen kórkemdelýine ter tókti. Izdenimpaz akter qazir shetel fılmderin qazaq tilinde sóıletýde de irgeli eńbekter atqarýda. Atap aıtsaq, «Juldyzdy soǵystarda» – Kassıan, Andor, «Muzdy ólke» anımasııalyq fılminde Krıstof, Lıýk Bessonnyń «Valerıan jáne myń ǵalam shaharynda» – Valerıan rólderin dybystasa, «Dısneıdiń» «Koko qupııasy», «Shaqyldaq jáne tórt patshalyq», «Alladın» «Ralf ınternetke qarsy», «Arystan patsha» anımasııalyq fılmderinde basty keıipkerlerdi qazaqsha sóıtetti. Qazirgi tańda Salem Social Media usynǵan Álisher Ýtevtiń «1286» serıalynyń basty keıipkeri Amannyń rólin somdap, kıno salasynda tanymaldylyqqa ıe boldy.
– О́nerge tazalyq kerek, sonda shynaıylyq bolady. Kórermenińmen berik baılanys ornatýdyń da negizgi kilti – osy tazalyq pen tereń bilimde jatsa kerek. Akter adamǵa eń áýeli balalyǵyn joǵaltpaýy mańyzdy. Ár keıipkerine senip, sonyń álemin áldılep oınaǵan ártistiń izdenisi sózsiz talǵamy bıik kórermen tarapynan baǵalanady dep oılaımyn. Máselen, men úshin ońaı ról joq. Ár keıipkerim úlken izdenis hám eńbektiń arqasynda ómirge keledi. Al mýzyka aıtar sóz taýsylǵan kezde týady. Iаǵnı sóz bitken jerden saz bastalady. Sondyqtan da eki álemimdi bir-birinen bólip-jaryp qaraı almaımyn, olar – birtutas. Bir sózben aıtqanda, meniń syrym – saz, áýenim – álem, – dep sózin túıindedi óner ıesi.
