Foto: inbusiness.kz
Atyraýda ótken úshinshi Ulttyq quryltaıda Prezıdent Qasym-Jomart Toqaev eltańbany aýystyrýǵa baılanysty ashyq konkýrs jarııalanatynyn aıtqan edi. Memleket basshysy bul sheshimge ony Keńes zamanyndaǵy Gerbke uqsatyp jatatyny túrtki bolǵanyn jetkizdi.
Qarjy mınıstri osy málimdemeden keıin eltańbany aýystyrý sheshimin qaraıtyn arnaıy komıssııa qurylatynyn habarlady.
«Eltańbany aýystyrýǵa qatysty másele belgili bir kezeńnen beri talqylanyp kele jatqanyn jaqsy bilesizder. Prezıdent Ulttyq quryltaıda atalǵan máseleni talqylaýdy usyndy. Memleket basshysy eger qoǵam bul máselege jappaı qoldaý bildirse, onda ony odan ary talqylaý qajettigin aıtty. Ol úshin arnaýly komıssııa qurylady. Komıssııa atalǵan máseleni tyńǵylyqty qarastyratyn bolady. Eger bul máselege qatysty oń sheshim qabyldanǵan jaǵdaıda, shyǵystaryna qatysty qalǵan jaıttar týyndaıdy», dedi mınıstr.
Mádı Tákıev eltańbany aýystyrýǵa bólinetin qarjy mólsheri men qaıdan alynatyny alǵashqy másele sheshilgennen keıin talqylanatynyn aıtty.
