Foto: Ashyq derekkóz
Zań jobasyn qaraý barysynda depýtattar birinshi oqylymnan keıin nesıeler men mıkrokredıtter boıynsha jyldyq tıimdi paıyzdyq mólsherlemeniń shekti kólemin anyqtaý, 2026 jylǵa deıin azamattardyń banktegi nesıeleri jáne mıkrokredıtter boıynsha qaryzdaryn kollektorlyq agenttikterge satýǵa moratorıı engizý, PDL mıkrokredıtterin nemese jalaqyǵa deıin dep beriletin shaǵyn nesıelerdi retteýdiń erekshe rejımin alyp tastaý týraly túzetýler engizdi.
Bank ombýdsmenine tek banktik nesıeler boıynsha daýlardy qaraý ókilettigi beriledi. Sonymen birge mıkrokredıtter boıynsha daýlardy qaraý quzyretin beretin mıkroqarjy ombýdsmeni ınstıtýty engiziledi.
Sondaı-aq birinshi nemese ekinshi toptaǵy múgedektigi bar adamdar turatyn otbasylardy qorǵaýǵa qatysty qosymsha normalar qarastyryldy. Jylý berý maýsymynda olardy jalǵyz turǵyn úıinen shyǵarýǵa jol bermeý usynyldy.
Bankterge jáne bank operasııalarynyń jekelegen túrlerin júzege asyratyn uıymdarǵa jubaıynyń kelisiminsiz jeke tulǵaǵa banktik qaryz berýge tyıym salynady. Áskerı qyzmetshilerge merzimdi áskerı qyzmetti ótkerýdiń barlyq merzimine banktik qaryz nemese mıkrokredıt boıynsha tólemderdi keıinge qaldyrý prosesi avtomattandyryldy.
