Oqý-aǵartý mınıstrliginiń málimdeýinshe, jańa oqý jylynda birinshi synypqa 370 myńnan asa bala barady dep boljanyp otyr. Al byltyrǵy mektepke balany qabyldaýdan bıylǵy mektepke qabyldaýdyń basty aıyrmashylyǵy, ıaǵnı keıbir ózgeristerge qatysty Orta bilim komıtetiniń basqarma basshysy Álııa Chokýsheva:
– Qazaqstan Respýblıkasynyń keıbir zańnamalyq aktilerine bilim berý, tálimgerlik jáne balalardyń qaýipsizdigi máseleleri jónindegi 2024 jyldyń 23 aqpanynda qabyldanǵan Zańyna lıseıler men gımnazııalarǵa birinshi synypqa qabyldaý kezinde emtıhan ótkizýge tyıym salatyn ereje engizildi. Barlyq bala, daıyndyq deńgeıine qaramastan, teń múmkindikterge ıe bolady. Bul bastama testileý men áńgimelesýge baılanysty birinshi synyp oqýshylaryndaǵy psıhologııalyq qysymdy azaıtýǵa baǵyttalǵan, – dedi.
Balalar birinshi synypqa alty jastan bastap ata-anasy nemese zańdy ókiliniń ótinishi negizinde qabyldanady. О́tinishpen birge №065ý formasyndaǵy densaýlyq jaǵdaıy týraly anyqtama, 026/ý-3 balanyń densaýlyq pasporty jáne balanyń eki dana 3h4 fotosýreti bolý kerek. О́tinish demalys jáne mereke kúnderdi qospaǵanda, dúısenbiden jumaǵa deıin qabyldanady. Ata-analar balanyń qujattaryn elektrondyq úkimettiń egov.kz veb-portaly arqyly tapsyra alady.
