Otyrysta óńir ákimderiniń Memleket basshysynyń tapsyrmalaryn oryndaý jáne sý tasqynyna qarsy is-áreketterin kúsheıtýge baǵyttalǵan jumystary týraly baıandamalary tyńdaldy. Keńes barysynda Qumar Aqsaqalov ákimder men kúsh qurylymdaryna birqatar naqty tapsyrma berdi.
«Qazirgi ýaqytta sý Joǵarǵy Tobyl jáne Qaratomar sý qoımalarynyń erneýinen asty. Birer kúnnen keıin Qaratomar sý qoımasy tasýy yqtımal. Sekýndyna 250 tekshe metrden astam sý júrgen jaǵdaıda tómen jatqan eldi mekenderdi sý basý qaýpi basym. Atap aıtqanda, Rýdnyı qalasyna qarasty Persev selosy, B. Maılın aýdanynyń Iýbıleınyı kenti, Qostanaı qalasyndaǵy baqsha qoǵamdary jáne Qostanaı aýdanynyń Tobyl ózenine jaqyn aýmaqtardyń shetki kóshelerine qaýip tónip tur.
Osyǵan baılanysty turǵyndardy múlkimen, tórt túligimen evakýasııalaý boıynsha barlyq qajetti sharalardy qabyldaýdy tapsyramyn. Barlyq aýdan jáne qala ákimderine buǵan basymen jaýap beretinin eske salamyn. Sý tasqynyna qarsy is-sharalar keshendi túrde júzege asyrylýy tıis.
Qazirgi jaǵdaıǵa daıar bolýymyz qajet. Ońtústik óńirlerdegideı emes, bizdiń búgingi jaǵdaıǵa tolyqtaı daıarlanatyn merzimimiz boldy, áli de 1-2 kún ýaqytymyz bar. Bireý múlkin joǵaltsa, úıin nemese kommersııalyq nysanyn sý bassa, jaýaptylarǵa qatań shara qoldanylatyn bolady», dedi oblys ákimi.
Qostanaı oblysy
