Memleket basshysynyń jańa zańǵa qol qoıýy, el basshylyǵynyń «halyq únine qulaq asatyn memleket» qaǵıdatyn iske asyrý aıasynda qoǵam suranysyna udaıy nazar aýdaryp otyrǵanyn kórsetedi. Prezıdent Q.Toqaev barlyq máseleni, sonyń ishińde áıelderdiń quqyqtaryn qorǵaý jáne balalardyń qaýipsizdigin qamtamasyz etý máselelerin únemi kóterip otyrady.
Zań azamattyq qoǵam men memlekettiń ótkir jáne ózekti máseleni sheshýge baǵyttalǵan syndarly ózara is-qımylynyń nátıjesi boldy. Ulttyq quryltaıdyń úshinshi otyrysynda Prezıdent otbasylyq-turmystyq zorlyq-zombylyqty qoǵam bolyp kúresýdi qajet etetin áleýmettik problemanyń biri retinde belgiledi.
Prezıdent qol qoıǵan turmystyq zorlyq-zombylyq týraly zań, shyn máninde, memlekettiń teńdik pen zań ústemdigi qaǵıdattaryna basymdyq beretinin, quqyq buzýshylyqqa múldem tózbeýshilikti qalyptastyratynyn kórsetedi.
Ol týraly Q.Toqaev osy jyldyń qańtar aıynda: «Men Zań jáne Tártip qaǵıdatyn nyǵaıtýdy jaqtaımyn, otbasylyq-turmystyq zorlyq-zombylyq úshin jazany qatańdatýdy qoldaımyn», dedi. Zań – qoǵamdy demokratııalandyrý baǵytyndaǵy taǵy bir qadam.
Sultanbek MÁKEJANOV,
Senat depýtaty
