Igi is Jańaarqa aýdanynyń 90 jyldyǵy jáne Sáken Seıfýllınniń 125 jyldyǵyna oraı uıymdastyrylǵan. Álemdik rekord ornatý úshin aýdandaǵy 14 aýyldan myńǵa tarta kelinshek jınalǵan. Aq jaýlyqty analar men qyz-kelinshekter 10 tonna qymyzdy myń kúbige bólip quıyp, bir mezette jarysa pisti. Oqıǵany Gınnestiń rekordtar kitabyna tirkeý úshin Kýbadan arnaıy kelgen Iýdelkıs Dıas álemdik rekord ornatylǵanyn resmı túrde rastap, qýanyshyn bildirgen.
856 kılo baýyrsaq
Gınnestiń rekordtar kitabyna engen otandastarymyz kóp. Ásirese ulttyq qundylyqtardy álemge tanytqandar kóz súısindiredi. Sondaı erekshe rekordtyń biri – Almaty turǵyndarynyń jasaǵany.
2014 jyly Almaty turǵyndary «Analar kúnin» toılaý barysynda 856 kılo baýyrsaq pisirgen. Ony daıyndaýǵa barlyǵy 650 kg un, 650 lıtr ósimdik maıy, 450 lıtr sý, 15 kg tuz jáne 15 kg qant ketti. Bul oqıǵa rekordtar kitabyna «Eń kóp pisirilgen jáne jelingen baýyrsaqtar» degen atpen engen.
10 myń dombyrashy
Qońyr dombyrany qolǵa alyp, áýeletip otyrǵan kúıshini kórsek, kóńilimiz kónship qalady. Al 10 myń dombyrashy bir mezette kúı tartsa she.
2010 jyly Qytaıdyń Uıǵyr avtonomııasynda taǵy bir rekord tirkelgen. Bul joly 10 myń dombyrashy bir sátte qazaqtyń «Keńes» kúıin oryndap, álem nazaryn aýdardy. Al 2011 jyly jastar jappaı «Qara jorǵa» bıin bıledi. Bul elimizdiń Táýelsizdik kúnine arnaıy daıyndalǵan syılyǵy-tuǵyn. Keıin atalǵan fleshmob Gınnestiń rekordtar kitabyna tirkeldi.
