Jergilikti meshitten XIX–XX ǵasyrdaǵy myńdaǵan sırek qundy qoljazba tabylyp, onyń 27-si ortalyqqa tabystaldy. Kitaptar qatarynda Abdýlla Rýmıdiń «Eski túrki tili» kitaby, «Qyryq hadıs» tárjimasy, Keńes odaǵyndaǵy barlyq musylmanǵa múdjrah, tóte jazýdaǵy óleńder men taǵy da basqa muralar bar.
Ekspedısııa músheleri ǵalym-tarıhshy Amantaı Isaulynyń jeke ǵylymı kitaphanasymen tanysyp, ǵalymnyń qolynan 15 qoljazba men sırek kitaptardy Ulttyq ortalyq qoryna aldy. Onyń ishinde 1888 jyly jaryq kórgen «Ǵylym haly» men 1891 jyly basylǵan «Tárjima ǵın ál ǵalam» kitaptary, HH ǵasyrdyń bas sheninde Qazan, Orynbor, Ýfa qalalarynan shyqqan sırek kitaptar bar.
«Osy meshitte tabylǵan sırek kitaptar men qoljazbalardyń mol qory – óńir tarıhynyń ajyramas bóligi retinde babalarymyzdyń baǵa jetpes murasy. Ony saqtap qalý – óte mańyzdy», dedi Restavrasııa jáne konservasııa bóliminiń basshysy Syrym Botabekov.
Atalǵan issapar el aýmaǵynda bar qazirgi tańdaǵy qojazba men sırek kitaptardyń ortaq tizimin jasap, olardy memlekettik reestrge alýdy maqsat etedi.
Aldaǵy ýaqytta atalǵan qundy jazbalardy zertteý jáne restavrasııalaý jumystary júrgiziledi.
