«Samuryq-Qazyna» qorynyń sheteldik seriktesteri kómek qolyn sozdy

Bıylǵy kóktem elimizge ońaı soqpady. Baıtaq elimizdiń ár óńi­ri qıyn qystaý kezeńdi bastan ótke­rip, tilsiz jaý – tasqynnan zardap shekti. Qıyndyq birikkende eń­se­ri­letini málim. Bul oraıda elde bol­ǵan tabıǵı apattyń saldaryn joıý jumystarynan qor da qalys qal­mady. Atap aıtqanda, qorǵa qarasty portfeldik kompanııalar men olardyń sheteldik seriktesteri kómek retinde arnaıy qarajat bóldi jáne bul ıgi isti áli de jalǵastyryp jatyr.

Osyǵan deıin qor jáne kompanııalar toby atynan 15 mlrd teńge qarajat bólingen bolatyn. Sondaı-aq qordyń korporatıvtik ortalyǵy, «QazMunaıGaz», «Qaz­atom­prom», «Qazaqstan temir joly», «QazaqGaz», «KEGOC», «Eır Astana», «Samuryq-Energo» sekildi ózge de portfeldik kompanııalar gýmanıtarlyq kómekter jóneltip, kúrdeli jaǵdaıǵa tap bolǵan óńirlerge arnaıy tehnıkalar bóldi. Al azamattardy qaýip­siz aı­maqtarǵa kóshirý úshin arnaıy áýe tarıfteri en­gi­zildi. Qor qyz­met­ker­leri qor­ǵanys bógetterin nyǵaıtý, ınfraqurylymdardy qaı­ta jóndeý jumystaryna ju­myl­­dy­ryldy. Bul jumystar sý qaýpi seıilmegen aımaqtarda áli de jal­ǵasyp jatyr.

Qazirgi kezde kómek kórsetý­shilerdiń qatarynan «Samuryq-Qazyna» AQ sheteldik áriptes­terin kórýge bolady. Atap aıt­qanda, álem­degi eń iri ýran ón­dirý­shilerdiń biri kanadalyq «Cameco» kompanııasy – 150 mln teńge, japondyq «Marubeni» saýda kompanııasy – 14,1 mln teńge jáne qytaılyq «CGN» atom kompanııa­sy 221 mln teńge kóleminde «Samruk-Kazyna Trust» qaıy­rymdylyq qoryna qara­jat aýdardy. Atalǵan kásip­oryn­dar – «Qaz­atomónerkásip» AQ she­tel­dik seriktesteri.

«Qaz­atomónerkásiptiń» ózge de birqatar iri sheteldik seriktesteri alapat tasqynnyń saldaryn joıý úshin qarajat bólýdi josparlap otyr. Olardyń qatarynda «Katko» qazaqstandyq-fransýzdyq birlesken kásiporny, Reseıdiń atom energııasy jó­nindegi mem­lekettik «Rosatom» korporasııasy, Fransııanyń «Orano» atom kompanııasy, Qytaıdyń «CGN» atom kompanııasy jáne japondyq «Sumitomo» sekildi iri kompanııalar bar.

Sondaı-aq munaı-gaz sala­syn­daǵy ulttyq operator – «Qaz­munaıgaz» AQ-nyń seriktesi rýmyndyq «Rompetrol» kompanııasy da zardap shekken jer­lesterimizge qoldaý kórsetý úshin 45 mln teńge aýdardy.

Qazirgi kezde qordyń sheteldik seriktesteri de elimizdegi jaǵdaıǵa baı­lanysty barynsha qoldaý kór­setýge nıet bildirip otyr.

Jınalǵan qarajat qordyń Biryńǵaı qaıyrymdylyq operatory – «Samruk-Kazyna Trust» arqyly kóktemgi qarǵyn sýdan zaqymdanǵan ınfraqurylymdy qalpyna keltirý jáne tur­ǵyndardyń jaǵdaıyn ońaltý jumystaryna jumsalatyn bolady.