Alystaǵy elmen de aralasamyz

Keshe Qazaqstan Respýblıkasynyń Syrtqy ister mınıstri Erlan Ydyrysov Venesýela Bolıvarıan Respýblıkasynyń Halyqaralyq qatynastar jónindegi mınıstri Delsı Rodrıgespen onyń Astanaǵa resmı sapary sheńberinde kelissóz júrgizdi. Bul Venesýela syrtqy saıasat vedomstvosy basshysynyń Qazaqstanǵa jasaǵan alǵashqy sapary ekenin aıta ketý kerek. Kezdesý barysynda taraptar ekonomıka, saýda, ınvestısııa, energetıka jáne halyqaralyq uıymdar sheńberinde ózara yqpaldastyq máselelerin talqyǵa saldy. E.Ydyrysov óz sózinde eki el arasyndaǵy yntymaqtastyqtyń artyp kele jatqandyǵyna nazar aýdarta kelip, jańa áriptester retinde qatynastardy tereńdetý josparyna ekpin berdi. Bul turǵydan kelgende, Qazaqstan men Venesýela syrtqy saıasat vedomstvolary basshylarynyń Saıası konsýltasııalyq tetigin ornatý jónindegi ózara túsinistik týraly memorandýmǵa qol qoıýy mańyzdy. Sondaı-aq, eki el kópjaqty pishimde de ózara yqpaldasyp keledi. Atap aıtqanda, Venesýela – elimizdiń 2017-2018 jyldarǵa BUU Qaýipsizdik Keńesine turaqty emes músheligine kandıdatýrasyn jáne Astanada EKSPO-2017 halyqaralyq kórmesin ótkizý bastamalaryn qoldaǵan el. Qazaqstan da Venesýelanyń BUU Qaýipsizdik Keńesine turaqty emes músheligin qoldaǵandyqtan, elimiz syrtqy saıasat vedomstvosynyń basshysy óz áriptesin ústimizdegi jyldyń qańtarynan bastap mártebeli meımandy múshelikke qabyldanǵandyqtarymen de quttyqtady. Elimiz syrtqy saıasat vedo­m­stvo­synyń basshysy sóz reti kel­gende Qazaqstan men Venesýela ıntegrasııalyq qadamdardyń qoldaýshysy ekenin de ortaǵa sala ketti. Onyń aıtýynsha, Venesýela Latyn Amerıkasy qurly­ǵyn­da ıntegrasııalyq alańdar­dyń bel­sendi qatysýshysy bolsa, Qazaqstan basshysy Eýra­zııa keńistigindegi ıntegrator bolyp tabylady. Olaı bolsa, mun­daı ıgi qadamdar elder ara­syndaǵy ekonomıkalyq jáne ınves­tısııa­lyq baılanystardy artty­rýdyń faktory da. Osy turǵydan kel­gende, jańadan iske kirisken Eýra­zııalyq ekonomıkalyq odaq oǵan qosymsha múmkindikter beredi. Onyń ústine, Qazaqstan men Venesýela munaı-gaz óndirýshi elder bolǵandyqtan, osy salada da yntymaqtastyq asa mańyzdy. Tipti, Qazaqstanǵa osy eldiń munaı-gaz salasynyń mınıstri ere kelgeni de belgili boldy. Jalpy, bul sapar ózara yqpaldastyqqa bastaıtyn múmkindikter týǵyzýy tıis. Qazaqstandyq áriptesiniń sózin qýattaǵan Delsı Rodrıges bul sapardyń elder arasyndaǵy yntymaqtastyqqa oń serpin bererine senim bildirdi. Artynan Qazaqstan men Venesýela syrtqy saıasat vedomstvolarynyń Saıası konsýltasııalyq tetigin ornatý jónindegi ózara túsinistik týraly memorandýmǵa qol qoıý rásimi bolyp ótti. Asqar TURAPBAIULY, «Egemen Qazaqstan».