Jany qazaq Hızmetlı

Elimiz táýelsizdik alǵaly beri búkil álem moıyndaǵan memleketke aınaldy. Elbasynyń shet memlekettermen júrgizip otyrǵan toleranttylyq saıasatynyń arqasynda qazaqstandyqtarǵa shetelderge baryp oqýǵa jol ashyldy. Bul jastar arasynda shet tilderin úırenýge degen talpynystyń paıda bolýyna túrtki bolýda. Búginde Elbasynyń osy bir salıqaly saıasatyna qoldaý kórsetip qana qoımaı, elimizde jıyrma jyldan astam ýaqyt eńbek sińirip, memlekettik tilde erkin sóıleı júrip, qazaq tiliniń mártebesin arttyryp, sondaı-aq aldyńǵy qatarly bilim ordasynyń ashylýyna úles qosyp, jastardyń shet elde bilim alýyna qoldaý kórsetip, izgilik pen ımandylyq nuryn sepken ulaǵatty ustaz, bilikti basshy retinde tanylǵan Shet tilder jáne iskerlik karera ýnıversıtetiniń rektory, doktor, professor Sabrı Hızmetlı myrzanyń osy bir ónegeli isin ózimshe tilge tıek etýdi azamattyq paryzym dep sanaımyn. Ár jyl saıyn jańarý men jańǵyrýǵa bet alǵan atalmysh bilim ordasy, ólsheýi joq eńbektiń tabysty bolýy bilim men biliktilikke baılanysty ekendigin uqtyra túsýde. О́tken jyly Sabrı Hızmetlı myrzanyń qoldaýymen izgi nıet pen jaqsy tilekterdiń jarshysyndaı bolyp Túrkııa memleketinen bir top delegasııa kelgen edi. Sol joly shet elde bilim alǵysy keletin jastardyń talabyn shyńdaı otyryp, olardyń Túrkııa memleketiniń bilim grantymen tegin bilim alýyna jaǵdaı jasaý turǵysynda 2013-2014 oqý jylynyń maýsym aıynda ýnıversıtet jáne ýnıversıtetke qarasty Almaty qazaq-túrik gýmanıtarlyq-tehnologııalyq kolledji men mektep túlekteri bilim grantyna synaq tapsyrdy. Osy synaqtan súrinbeı ótken 100 talapker búginde Túrkııa memleketinde oqýǵa joldama alyp otyr. Bul eki memleket arasyndaǵy dostyq pen yn­tymaqtastyqtyń odan ári nyǵaıýyna oń áserin tıgize otyryp, óz isiniń bilikti mamany bola bilgen Sabrı Hızmetlı syndy azamattyń tabandy eńbeginiń jemisi dep bilemin. Almaty qalasynda boı kótergen Shet tilder jáne iskerlik karera ýnıversıtetiniń sanaly tárbıe jáne sapaly bilim nárimen sýsyndatqan biregeı bilim ordasy retinde tanylýyna aıanbaı ter tógip júrgen jemqorlyqqa jany qas bilikti maman bilim ordasyndaǵy árbir oqytýshy men stýdent jastardyń jemqorlyqqa qarsy kúresip, zaman talabyna saı eńbek ete otyryp adaldyqty pir tutýyn da kózden tasa qylmaýda. Ol sonymen qatar, oqý ornynyń ishki jáne syrtqy tazalyǵynan bastap, oqý úrdisiniń talaptarǵa saı júrgizilýine, oqytýshy-professorlardyń óz bilimderin udaıy shyńdap, tájirıbe júzinde iske asyra bilýine de qoldaý kórsetip keledi. Bilim ordasyna úmitkerler sany da jyl saıyn arta túsýde. Bul bilim ordasynyń zaman talabyna saı mamandar daıarlaýdaǵy úlken kórsetkishi bolyp tabylady. Sondaı-aq, ýnıversıtetimiz zamanaýı úlgide, ıaǵnı eýrostandart negizinde salynǵan jataqhanamen de qamtamasyz etilgen. Stýdentterdiń tárbıesi men tártibi jiti qadaǵalana otyryp, úsh mezgil tamaǵy men jatar ornynyń gıgıenasy saqtalyp, bilim alýyna barlyq jaǵdaı jasalǵan. Bıylǵy oqý jylynda memlekettik attestasııalaýda jaqsy nátıje kór­set­ken oqý ornynda jastardyń batys jáne shyǵys tilderin jetik meń­ge­rýine, óz bilimderin shetelde shyń­dap, mashyqtanýdan ótýine de jaǵ­daı jasalýda. Sózimizge dálel ýnıver­sıtetimizden jıyrma magıstrant Túr­kııa memleketinde bilimderin shyń­dap qaıtty. Bul da ýnıversıtet bas­shysynyń qoldaýymen júzege asyrylyp otyrǵan eki memleket arasyndaǵy dostyq qarym-qatynastyń nyshany. Osy maqsatta barǵan bolashaq jas ǵa­lymdar túrik halqynyń patrıottyq seziminiń óte joǵary dárejede ekendigine kóz jetkize otyryp, túrik halqynyń qo­naq­­­jaılylyǵyna da dán rıza bolǵan edi. Osyndaı ıgi isterimen kózge túsken ulaǵatty basshy búginde úlken-kishiniń birdeı qurmetine bólenýde. Túrkııa azamaty bola otyryp, qazaq jerinde elimizdiń kórkeıýine jáne qazaq tiliniń qoldanys aıasynyń keńeıýine zor úlesin qosyp júrgen ulaǵatty ǵalymnyń osy bir ónegeli isiniń ana tiline nemquraıly qaraıtyn keıbir azamattarǵa úlgi bolary anyq. Qazirgi tańda Sabrı beı asyl jary Hýrıe hanymmen birge ul-qyz ósirip, shańyraǵynyń shattyǵyn shalqytyp, sánin keltirip, otbasyna meıirimin tógip, ul-qyzdarynyń tirnekti tirshilikterine súısinip otyrǵan baqytty jandardyń qatarynda. Kórgen-bilgenderin qy­zyl tildiń maıyn tamyzyp sýrettep be­retindeı jazýshylyq qasıetke ıe bol­masam da, jany jaqsylyqqa toly úlkenderimizdiń qatary kóbeıe ber­sin, ári keıbir ana tiline nemquraıly qaraıtyn azamattarymyzdyń osyndaı ulaǵatty ǵalymdardan úlgi alyp, boı túzeýine yqpal etse nur ústine nur bolar edi degen nıetpen bastaǵan jazbamdy janymyzda júrgen ónegeli jaqsylardyń qadirin bilip, qurmet tutaıyq dep aıaqtaǵym keledi. Janna SÚLEIMENOVA, Almaty qazaq-túrik gýmanıtarlyq- tehnologııalyq kolledjiniń maman oqytýshysy. ALMATY.