Keń óristi qujat

Qazaqstan basshysynyń «Nurly Jol – bolashaqqa bastar jol» Joldaýy – naqty isterge negiz­­del­gen tarıhı qujat. Ony oqı oty­ryp, Qazaqstannyń bolashaqqa degen batyl umtylysyn anyq ańǵardym. Shyn máninde, Qazaqstan Prezıdentiniń Joldaýynan syrt qalǵan másele joq. Onda áleýmettik-turmystyq túıtkilderdiń barly­ǵy atap kórsetilip, odan shyǵý­dyń joldary aıqyndalǵan. Qa­zaq­stannyń barlyq aımaǵyn sa­paly joldarmen baılanystyrý, shaǵyn jáne orta kásipkerlikti damytý, ındýstrııalyq ınfra­qury­lymdardy qalyptastyrý, áleýmettik saladaǵy: bilim berý, densaýlyq saqtaý, jastarǵa qoldaý kórsetý máselelerine aıryqsha mán berý, halyqty turǵyn úımen qamtý, ár otbasynyń áleýmettik turmysyn jaqsartý Joldaýdyń basym baǵyttary bolyp otyr. Men Túrkııa memleketiniń aza­maty bolsam da, ómirimniń eń mańyzdy kezeńderi Qazaqstanmen baı­lanysty ótip keledi. Osy elde bilim aldym, alǵashqy eńbek jolym­dy bastadym, perzentterimdi de qazaq topyraǵynda ósirip jatyrmyn. Men de Qazaq eliniń damýyna úles qosýshy azamat retinde Memleket basshysynyń Joldaýyndaǵy «Qazaqstannyń shyqqan shyńy men baǵyndyrǵan bıikteriniń eń basty sebebi – birlik, berekesi», – degen tereń maǵynaly tujyrymdy qýattaımyn. Prezıdent únemi elimizdegi ishki birlikti nyǵaıtýǵa, ulttar tatýlyǵyna selkeý túsirmeýge, ult pen ulystardyń tatýlyǵy men birligi memleket turaqtylyǵynyń kilti ekendigin árdaıym este saqtaýǵa shaqyryp keledi. Osy Joldaýda da el birligine aıyryqsha nazar aýdarylǵan. Jalpy, Nursultan Nazar­baevtyń mán-mańyzy joǵary Joldaýy Qazaqstannyń órkendeýine serpilis beretinine, eldi jarqyn bolashaqqa bastaıtynyna senimim zor. Bul qujatta qamtylǵan máselelerdi barsha qazaqstandyq tereń uǵyna bilse, eldiń órisi keńeıip, órkeni óse túseri sózsiz. Orhan OZTOMSÝK, «Nur Orda» qazaq-túrik lıseı kesheniniń dırektory. ASTANA.