Bul kezdesý Qazaqstandaǵy BUU Damý Baǵdarlamasynyń (BUUDB), Qazaqstan Respýblıkasy Parlamenti Senatynyń Qoǵamdyq jobalyq keńsesiniń jáne Maqsut Narikbayev University-niń qoldaýymen uıymdastyryldy.
Senat Tóraǵasynyń orynbasary Jaqyp Asanov óz sózinde Senattyń Qoǵamdyq jobalyq keńsesiniń qyzmeti aıasynda MNU janyndaǵy ODM údetkishi qurylǵanyn atap óte kelip, ol kem degende eki negizgi mindetti sheshetin ekojúıe ekenine toqtaldy.
«Birinshisi – belgili bir maqsatpen birikken adamdardyń tobyn kúmbezdiń astyna tartý, onda olar ózderiniń taldaý, ıntellektýaldy jáne uıymdastyrýshylyq qabiletterin kórsete alady. Ekinshisi – olardyń eń jaqsy ıdeıalaryn memlekettik sheshimderdiń daıyn jobasyna aınaldyrý. Negizinde, údetkish – bul tómengi jaqtyń bastamalaryn joǵarǵy jaqta estilýi men tyńdalýy, olardy júzege asyrýǵa kómektesý múmkindigi. Qazir onyń kúmbeziniń astynda 10 ODM komandasy jumys isteıdi, oǵan ǵalymdar, eriktiler, halyqaralyq jáne memlekettik uıymdardyń ókilderi tartyldy», - dep atap ótti Jaqyp Asanov.
Kókshetaýda 120 eriktiden quralǵan 10 komanda óz jobalary men aralyq nátıjelerin tanystyrý jáne ornyqty damý maqsattaryna jetý úshin qandaı naqty sharalar usynatynyn aıtý úshin jınaldy. Komandalar ákimdiktiń salalyq qurylymdarymen jáne aýmaqtyq memlekettik organdarmen birge ıdeıalar men usynystardy talqylady, sondaı-aq budan bylaıǵy birlesken jumys josparyn belgiledi.
Kezdesý barlyq qatysýshylarǵa jobalarmen tanysýǵa, pikir almasýǵa jáne óńirlik baǵdarlamalar men bastamalardy jaqsartý úshin usynystar engizýge múmkindik berdi.
Sharaǵa Aqmola oblysy ákimdiginiń basshylyǵy, BUUDB sarapshylary, máslıhattar hatshylary, oblystyń qalalary men aýdandarynyń ákimderi, jergilikti jáne aýmaqtyq memlekettik organdardyń basshylary, bıznes, ÚEU, sondaı-aq óńirlik damý ınstıtýttarynyń ókilderi qatysty.
