Foto: Aýyl sharýashylyǵy mınıstrligi
Aýyl sharýashylyǵy mınıstrligi bul derek quzyrly memlekettik, jergilikti atqarýshy organdar, sondaı-aq ǵylymı uıymdarǵa jedel túrde habarlanǵanyn málimdedi.
Mamandar shabaqtardyń qyrylýy týraly aqparatty rastady. Qyrylǵan shabaqtardyń jalpy salmaǵy shamamen 80 kelini quraǵan.
Shabaqtardyń qyrylýyna Saryózek arnasyndaǵy sý deńgeıiniń tómen bolýy sebep bolǵan (sýdyń tereńdigi - 40-50 sm). Atyraý oblysy ekologııa departamenti zertteýler júrgizý úshin sý synamasyn aldy.
«Balyq qorǵaý qyzmetkerleri, jergilikti atqarýshy organdardyń balyq sharýashylyǵy sýbektileriniń ókilderi eriktilermen birlesip, balyq shabaqtaryn qutqarý jumystaryn júrgizip jatyr», delingen mınıstrlik habarlamasynda.
