Foto: vıdeodan kadr
Taldaýlarǵa sáıkes, joǵary kórsetkish 2015-2017 jyldary bolǵan, ol kezde 30 tonnaǵa deıin esirtki tárkilengen. 2019 jyldan bastap tómendeý baıqalady. Operasııa barysynda quramynda esirtki bar ósimdikterdiń ósý aımaqtary anyqtalǵan.
– Qaskúnemder ystyq jáne qurǵaq klımaty bar jańa egis alqaptaryn izdeı bastady. Olar mundaı jerler polısııanyń nazarynan tys qalady dep oılaǵan. Mundaı óńirlerge Túrkistan, Almaty, Jetisý, Ulytaý oblystarynyń aýmaǵy, sondaı-aq eldiń batys óńiri jatady, – dedi IIM esirtki qylmysyna qarsy is-qımyl departamenti.
Arnaıy operasııa bastalǵaly beri kannabıs tobynyń 16 tonna esirtkisi joıyldy. Onyń ishinde 12 tonna qarasora, 4,2 tonna marıhýana, 450 kg gashısh bar. Tórt myń sharshy metrge jýyq esirtki egistigi joıyldy.
