Álem • 28 Tamyz, 2024

Afrıkada maımyl sheshegin juqtyrǵandar sany 22,8 myńǵa jetti

82 ret

kórsetildi

1 mın

oqý úshin

2024 jyldyń basynan beri afrıkalyq elderde mpox («empoks» — maımyl shesheginiń jańa ataýy) aýrýlarynyń sany 22,8 myńǵa jetti. Bul týraly Afrıka Odaǵynyń medısınalyq qyzmeti – Afrıkanyń aýrýlardy baqylaý jáne aldyn alý ortalyqtary málimdedi, dep habarlaıdy Egemen.kz TASS-qa silteme jasap.

Qyrmyzy JUMAǴALIQYZY

Afrıkada maımyl sheshegin juqtyrǵandar sany 22,8 myńǵa jetti

Foto: impuls24.com.ua

Anyqtalǵandaı, jyl basynan beri Afrıkada 622 adam ınfeksııadan qaıtys bolǵan. Sondaı-aq sońǵy aptada aýrý sany 200%-ǵa óskeni belgili boldy. Bul indettiń oshaǵy Kongo Demokratııalyq Respýblıkasy (KDR) bolyp sanalady.

Aýrýdan eń kóp zardap shegetin jas toby - 15 jasqa deıingi balalar men jasóspirimder.

Qazir kontınentte mpox taralýyna baılanysty tótenshe jaǵdaı jarııalanyp, Afrıkanyń 18 elinde aýrýdy juqtyrǵandar anyqtalǵan. 14 tamyzda Dúnıejúzilik densaýlyq saqtaý uıymy Afrıkadaǵy mpox indeti halyqaralyq alańdaýshylyq týdyratyn tótenshe jaǵdaı dep jarııalady.

Eske sala keteıik, buǵan deıin Qazaqstannyń Densaýlyq saqtaý mınıstrligi maımyl sheshegin anyqtaýǵa arnalǵan PTR synaqtary satyp alynǵanyn málimdegen bolatyn. Bul rette Densaýlyq saqtaý vıse-mınıstri Erlan Nurlybaev Qazaqstanda maımyl indetiniń paıda bolý yqtımaldyǵy az ekenin atap ótti.

Buǵan deıin, Bas memlekettik sanıtarlyq dárigerdiń m. a. «Qazaqstanda maımyl shesheginiń ákelinýi men taralýynyń aldyn alý boıynsha sanıtarlyq-profılaktıkalyq is-sharalardy júrgizý týraly» 2024 jylǵy 26 tamyzdaǵy qaýlyǵa qol qoıǵan edi.