Tekseris kezinde olardyń eńbekke jaramsyzdyq qaǵazy eshqandaı medısınalyq uıymda tirkelmegen bolyp shyqty. Bul týraly qalalyq jumyspen qamtý jáne áleýmettik qorǵaý basqarmasynyń ókilderi málimdedi.
Osylaısha, ońaı olja tapqysy kelgender bıýdjettiń 24 mln teńgesin qaltaǵa basqan. Eńbek mobıldiligi ortalyǵy atynan berilgen talap-aryz sotta qanaǵattandyrylyp, onyń 9 mln teńgesi qazynaǵa qaıtaryldy. Qalǵan qarjy jeke sot oryndaýshylardyń kúshimen májbúrli túrde óndiriledi.
Belgili bir merzimge – 6 aı, 8 aı, 1 jyl degen sııaqty jumysqa jaramsyz anyqtamalar. Is júzinde olar – jumysqa jaramdy adamdar. Ol anyqtamalar tıisti mekemelerde, emhanalarda tirkelmegen. Iаǵnı qoldan jalǵan jasap berilgen anyqtamalar. 2023 jyldyń tórtinshi toqsanynda 3 aı alǵan. 2024 jyldyń birinshi toqsanynda alǵan, - deıdi qalalyq eńbek mobıldiligi ortalyǵynyń bólim basshysy Erbolat Ahanov.
Bıyl Shymkentte ataýly áleýmettik tólem ortasha tabysy tómen 8 200-den asa otbasyǵa taǵaıyndaldy. Bul – byltyrǵymen salystyrǵanda, 30 paıyz az kórsetkish.
Endi salalyq mınıstrlik shyn máninde kómekke muqtaj adamǵa qoldaý kórsetý úshin jańa pılottyq jobany iske qospaq. Iаǵnı otbasy músheleriniń tabysy ǵana eseptelmeı, shyǵyny da eskeriletin bolady. Biraq buıryq áli zańdy kúshine engen joq.
