Basqosýda Memlekettik keńesshi V Dúnıejúzilik kóshpeliler oıyndaryna qatysqany úshin Túrkııadan kelgen mártebeli meımanǵa alǵys aıtyp, Dúnıejúzilik etnosport konfederasııasynyń bul jarysty uıymdastyrýǵa jáne tabysty ótkizýge aıryqsha úles qosqanyn atap ótti. Sonymen qatar 89 eldiń 3000-ǵa jýyq sportshysy qatysqan mundaı aýqymdy is-sharany ótkizý ulttyq sport túrlerin damytýǵa jáne dáripteýge múmkindik beretinin aıtty.
О́z kezeginde Bilál Erdoǵan V Dúnıejúzilik kóshpeliler oıyndaryn joǵary deńgeıde uıymdastyrǵany úshin Qazaqstan tarapyna jáne Memleket basshysy Qasym-Jomart Toqaevqa rızashylyǵyn bildirdi. Sondaı-aq Konfederasııa prezıdenti bul shara qatysýshy memleketter, sonyń ishinde Qazaqstan men Túrkııa arasyndaǵy mádenı qarym-qatynastardy odan ári nyǵaıtýǵa yqpal etetinin tilge tıek etti.
Kezdesý sońynda Erlan Qarın men Bilál Erdoǵan Dúnıejúzilik kóshpeliler oıyndary ulttyq sport túrleriniń órisin keńeıtip qana qoımaı, elderimizdiń tarıhı murasyn saqtap, mádenı baılanystardy damytatyn alańǵa aınalyp kele jatqanyn atap ótti.
