foto ru.freepik.com
Úıinde otyryp, anasymen sózge kelip qalǵan er adam, qatty ashýǵa berilip qarııanyń basy men denesine judyryq jumsap, tipti aıaǵymen de tepkilegen. Aýyr soqqydan qart ana aıtarlyqtaı zardap shekken.
Atap aıtar bolsaq, jabyq bas-mı jaraqatyn alǵan: mıdyń shaıqalýynyń ótkir kezeńi, oń kóz orbıtasynyń búıir qabyrǵasynyń synýy, oń jaq betsúıek doǵasynyń synýy, oń jaq gaımor qýysynyń aldyńǵy jáne artqy qabyrǵalarynyń synýy, gemosınýs damýy, bettiń kógerýi; oń jaqtaǵy keýde qýysynyń jabyq jaraqaty, 3, 4, 5, 6 qabyrǵalarynyń synýy; birinshi bel omyrtqasynyń jabyq, asqynbaǵan kompressııalyq synýy tirkelgen.
Kúshi tasyǵan uldyń áreketine kórshileri kýá bolǵan. Saraptamalardyń qorytyndysy jáne istiń basqa da materıaldarymen aıyptalýshynyń kinási tolyqtaı dáleldengen.
Aýdandyq sot onyń qolymen jasaǵanyn moınymen kóterip, kinásin moıyndaýdan bas tartqanyn, istegen isine ókinbegenin, jaqyn adamyna dene jaraqatyn salǵanyn eskere otyryp, úsh jylǵa bas bostandyǵynan aıyrýǵa sheshim qabyldady.
«Aıyptalýshy Ý.-ǵa 2024 jylǵy 23 qyrkúıektegi sot úkimimen ortasha qaýipsizdik qylmystyq-atqarý júıesi mekemesinde 3 jyl merzimge bas bostandyǵynan aıyrý jazasy taǵaıyndaldy. Talap-aryzdar tolyq qanaǵattandyrylyp, 1 000 000 teńge moraldyq zııandy óteý somasy men qorǵaýshylarǵa tólengen shyǵyndar óndirildi», delingen aýdandyq sottyń habarlamasynda.
