О́ńirdegi kadrlyq qajettilikke sáıkes, Shyǵys Qazaqstanda irikteý 5 salalyq baǵyt boıynsha júrgizildi. Atap aıtsaq, ındýstrııa jáne ónerkásip, ekonomıka jáne qarjy, áleýmettik sala, turǵyn úı-kommýnaldyq sharýashylyq jáne ınfraqurylym, agroónerkásiptik keshen jáne jer qatynastary.
1 naýryzdan bastap aı kóleminde arnaıy jasaqtalǵan platforma arqyly irikteýge qatysýǵa qujattar qabyldandy. Irikteýge elimizdiń jasy 35-ten aspaǵan, joǵary bilimi jáne 3 jyldan kem emes eńbek ótili bar azamattary qatysty. Kadrlyq rezervke irikteýge bizdiń oblysymyzdan 386 úmitker qatysýǵa nıet bildirip, qujattary talaptarǵa sáıkes keletin 295 azamat irikteý kezeńderine jiberildi.
Sóıtip, kadr komıssııasynyń sheshimimen Shyǵys Qazaqstan obysynyń óńirlik kadr rezervine 20 úmitker iriktelip alyndy. Sonymen qosa, Qaǵıda talaptary boıynsha Prezıdenttik jastar kadr rezerviniń sońǵy kezeńine deıin jetip, biraq PJKR tirkelmegen azamattarǵa óz ótinishteri negizinde óńirlik rezervke irikteýsiz tirkelý quqyǵy berilgen. Osy normaǵa sáıkes,bizdiń óńirlik kadr rezervine qosymsha taǵy 1 úmitker tirkeldi.
«Rezervte turý merzimi - 2 jyl. Osy ýaqyt aralyǵynda rezervshilerge jergilikti atqarýshy organdardaǵy ár túrli deńgeıdegi basshylyq laýazymdarǵa (saılanbaly laýazymdardan basqa) ýákiletti organnyń aýmaqtyq bólimsheleriniń kelisimi boıynsha konkýrstan tys taǵaıyndala alady», deıdi QR Memlekettik qyzmet isteri agenttiginiń Shyǵys Qazaqstan oblysy boıynsha departamentiniń basshysy Erjan Aıqymbekov.
Qazaqstan Respýblıkasynyń memlekettik qyzmetin damytýdyń 2024-2029 jyldarǵa arnalǵan tujyrymdamasynda atalǵan rezerv óńirlik býynnyń top-menedjerlerine básekelestik ornatatyn bolady dep kórsetilgen.
Odan bólek, Memlekettik qyzmet isteri agenttigimen azamattar men memlekettik organdar arasyndaǵy ózara árekettesýdi jeńildetýge baǵyttalǵan «EgovKzBot2.0» platformasynda «Ýákiletti organǵa ótinish» fýnksııasy iske qosyldy.
Atalǵan fýnksııa arqyly azamattar ózderin qyzyqtyratyn suraqtardy tikeleı Telegram arqyly qoıý múmkindigine ıe boldy, memlekettik qyzmetterdiń sapasyna qatysty shaǵymdar men usynystardy joldaı alady, jáne memlekettik apparatty bıýrokratııadan aryltý boıynsha usynystaryn joldaı alady. Bul qadam memlekettik qyzmet kórsetý sapasyn arttyrýǵa jáne azamattardyń ótinishterine jedel den qoıýǵa baǵyttalǵan.
Shyǵys Qazaqstan oblysy boıynsha Memlekettik qyzmet isteri departamentinde Telegram bot arqyly 25-ten astam ótinish qaraldy. О́tinishter áleýmettik járdemaqylar, múgedektik, pasport alý, eńbek qabilettiligin joǵaltý, sottylyq týraly anyqtamalarǵa qatysty boldy.
Mysaly, 2024 jyldyń 23 mamyrynda Rıdder qalasynyń turǵyny bala jasynan múgedek balanyń anasy retinde tegin pasport alý máselesimen júgindi. Salyq kodeksiniń 622-babyna sáıkes, bala jasynan múgedektigi bar adamnyń ata-anasynyń biri memlekettik baj tóleýden bosatylady. Bul ótinish barysynda aqparattyq júıede múgedek balanyń qamqorshysy retindegi statýsy kórinbegendigi anyqtaldy. Osyǵan baılanysty, ótinish qabyldanbaǵan.
Alaıda, aqparattyq júıedegi kemshilikter memlekettik kórsetiletin qyzmetti alýǵa kedergi bolmaýy tıis. Sol sebepti, ýákiletti organǵa qujattardy qaǵaz túrinde qabyldaý usynylyp, pasportty rásimdeý máselesi sheshildi.
Shyǵys Qazaqstan oblysy boıynsha Memlekettik qyzmet isteri departamenti «EgovKzBot2.0» platformasyndaǵy ótinishterdiń qaralýyn turaqty baqylaýda ustap, keri baılanysty qamtamasyz etýdi ári máselelerdi jedel sheshýdi maqsat etedi.
Telegram-daǵy jańa fýnksııanyń engizilýi memlekettik qyzmetterdi modernızasııalaýǵa jáne azamattar úshin olardyń qoljetimdiligin arttyrýǵa baǵyttalǵan mańyzdy qadam bolyp tabylady. Memlekettik organdar men halyq arasyndaǵy ózara árekettesýdi jeńildetý úshin zamanaýı tehnologııalardy qoldaný ashyq ári tıimdi qyzmet kórsetý júıesin qurýǵa septigin tıgizedi.
Sonymen qatar Departamenttiń memlekettik qyzmet salasyndaǵy baqylaý baǵyty boıynsha jeke jáne zańdy tulǵalardyń ótinishterin qaraý, memlekettik qyzmet salasyndaǵy zańnama talaptaryn saqtaý boıynsha taldaý, memlekettik organdardyń jumys ýaqyty rejımin saqtaýyna monıtorıng jáne jospardan tys, josparly tekserýler júrgizý barysynda osy jyly 250-ge tarta azamattyń quqyǵy qalpyna keltirilgen.
Memlekettik organǵa barý arqyly jumys ýaqyty rejıminiń saqtalýyna monıtorıng memlekettik organdarǵa barý josparyna sáıkes oblystyń basqarmasynda 15 memlekettik qyzmetshilerdiń zańsyz tıisti quqyqtyq aktilerdiń shyǵýynsyz jumystan tys ýaqytta qalyp jumys isteý faktileri anyqtalǵan. Departament haty negizinde atalǵan memlekettik qyzmetshilerge tıisti quqyqtyq akti shyǵarýmen, demalys kúnderi (saǵattary) berile otyryp quqyqtary qalpyna keltirildi.
Sonymen qatar memlekettik organdarynyń tártiptik tájirıbesine taldaý nátıjesinde memlekettik qyzmetshiniń zańsyz tártiptik jaýapkershilikke tartý faktisi anyqtalyp, tártiptik jaýapkershilikke tartý týraly quqyqtyq aktiniń kúshi joıylýmen memlekettik qyzmetshiniń quqyqtary qalpyna keltirilgen.
Memlekettik qyzmetshilerdiń quqyqtaryn tekserýsiz taldaý jáne monıtorıng arqyly servısti jáne klıentke baǵdarlanǵan memlekettik apparattyń bir kórinisi dep bilemiz.
