Foto: adyrna.kz
Aıta keteıik, Jambyl oblysynyń prokýratýrasy áleýmettik mańyzy bar sanattaǵy atqarýshylyq qujattar negizinde jazalardy qamtamasyz etý boıynsha júıeli jumys júrgizip jatyr.
«Boryshkerler kóbinese kámeletke tolmaǵan balalardy asyraýǵa alıment tólemeý maqsatynda kirister men múlikterin jasyrady. Osyǵan uqsas faktini Shý aýdanynyń prokýratýrasy anyqtady. S. esimdi azamattyń 11,2 mln teńge somasynda alıment qaryzyn tólemeı júrgeni sotqa deıingi tergeý barysynda belgili boldy. Ol burynǵy nekede bolǵan jary azamatsha N.-ǵa 2015 jyldan bastap kámeletke tolmaǵan úsh balany asyraýǵa alıment tólemegen. 25.07.2024 jyly aýdan prokýratýrasynyń AEK-ne tirkelgen materıaldary boıynsha Shý APB-men boryshkerge qatysty QK-tiń 139-babymen sotqa deıingi tergeý bastalǵan», dep habarlady oblystyq prokýratýranyń baspasóz qyzmeti.
Tergeý barysynda boryshkerdiń 2018 jyly Shý qalasynyń Jemchýjına massıvinen saıajaı ýchaskesin satyp alǵany anyqtalyp, qazirgi jubaıynyń atyna rásimdeý júrgizgen.
Taraptardyń qol jetkizgen kelisimi boıynsha jer ýchaskesi alıment bereshegin óteý esebine berilip, qylmystyq is 25.09.2024 jyly taraptardyń tatýlasýyna baılanysty óndiristen toqtatylǵan.
Qabyldanǵan sharalar jasyrylǵan múlikti anyqtaýǵa múmkindik berip, nátıjesinde alıment boıynsha tolyq qaryz ótelgen.
