Basshylyqtyń aıtýynsha, uzaqqa sozylǵan qoshtasý men qaýyshýdan áýejaıǵa kóp adam jınalyp qalady. Sonyń saldarynan jumystyń ónimdiligi azaıady-mys. Shekteýdiń negizgi sebebi – osy. «Al sonsha kóp adamnyń ýaqytyn kim eseptep otyrady?» deıtin shyǵarsyz. Danıdın halyqaralyq áýejaıy bul máseleni de nazardan tys qaldyrmaǵan. Mekemede ornatylǵan arnaıy qurylǵy ár sekýndty eseptep, erejeni elemegenderge aıyppul arqalatady.
Jalǵan aqparatty anyqtaıdy
«YouTube» platformasy budan bylaı jasandy ıntellekt jasaǵan beınetaspany tanı alady.
Neırojeli keıingi kezde qarqyndy damyp, túrli salada keńinen qoldanyla bastady. Bunyń ıgiligimen qatar qıǵylyǵy da boldy. Sonyń biri jeli qoldanýshylary jasandy zerde jasaǵan jalǵan málimetti aqıqat aqparattan ajyrata almaıtyn. Endi «YouTube» jelisinde shynaıy beınetaspalarǵa «Kameramen túsirilgen» belgisi qoıylady. Bul platforma kórermenderine kontenttiń ara-jigin anyqtaýǵa múmkindik beredi.
Toq júrgizilgen jol
Álemde asfalt jol salýda túrli ozyq tehnologııany qoldanyp, jaqsy nátıjege jetken el kóp. Mysaly, Germanııada salynǵan jolǵa kemi 30 jyl kepildik bar. Iаǵnı merdiger osy merzim ótkenshe tehnıkalyq jaǵdaıyna jaýapty. Al Fınlıandııa qystygúni joldardy toqpen jylytyp otyrady.
Temperatýra belgili mejege deıin tómendegende qurylǵy avtomatty túrde jylytý júıesin iske qosady. Demek ol kerek ýaqytta ǵana jumys istep, elektr energııasyn artyq shyǵyndamaıdy. Bul tehnologııa jol qurylysy kezinde qymbat bolǵanymen, keıin ózin-ózi aqtaıdy. О́ıtkeni kúnniń sýyǵynda muz qatyp, qaıta erigennen joldar búlinedi, al jylytý arqyly jol jamylǵysynyń paıdalaný merzimi ulǵaıady.
