Zaýyttyń tehnıkalyq iske qosylýy 2024 jyldyń qyrkúıek aıynda ótip, alǵashqy jabdyqtar partııasy «Hyundai Trans Kazakhstan» zaýytyna «Tucson» jáne «Elantra» modelderine ornatý úshin jetkizildi.
«Zaýyt Qazaqstan men Ońtústik Koreıa arasyndaǵy yntymaqtastyqqa mańyzdy úles qosady jáne eldegi avtomobıl salasynyń damýyna áser etedi. Joba elimizdiń ónerkásiptik ósýi jolynda erekshe mańyzǵa ıe. Memleket ınvestısııa salýshy, óndiris salýshy kompanııalardy qoldaıdy, sondaı-aq kásibı kadr daıarlaý men ekonomıkany damytýǵa úles qosady. Negizgi maqsat – otandyq resýrstar men quramdas bólshekterdi barynsha paıdalanyp, joǵary deńgeıde lokalızasııasy bar óndiris qurý», dedi О́nerkásip jáne qurylys mınıstri Qanat Sharlapaev.
«Motrex» kompanııasynyń bas dırektory Kım Djýn Son yntymaqtastyq bolashaǵyna senim bildirip, zaýyttyń sala úshin mańyzdylyǵyn atap ótti. Sonymen qatar osy kúni «Astana Motors» pen «Sanico Electronics» kompanııasy memorandýmǵa qol qoıdy. Oǵan sáıkes, bizdiń tarap mýltımedııalyq júıelerge arnalǵan platalar men korpýstardy SMT jáne PRESS tehnologııalaryn qoldana otyryp óndirý quqyǵyna ıe bolady. Kelisim avtokomponentter óndirisin odan ári óristetýge, otandyq mamandardyń biliktiligin arttyrýǵa yqpal etpek.
Zaýyt ókilderiniń aıtýynsha, endi elimizde shyǵarylatyn «Hyundai» avtomobılderi qazaq tilindegi ınterfeısti usyna otyryp, jergilikti paıdalanýshylardyń qajettilikterine jaqsyraq óteı bastaıdy. Al 2025 jyly Almatyda «Kazakhstan Mobility Engineering»-te shyǵarylǵan qazaq ınterfeısi bar mýltımedııalyq júıelerdi paıdalanatyn mýltıbrendtik zaýyt iske qosylady. Bul júıeler otandyq avtokólik júrgizýshilerine tehnologııalardy ana tilinde paıdalanýǵa múmkindik beredi.
«Kazakhstan Mobility Engineering» zaýyty Almatydaǵy aýmaǵy 100 myń sharshy metr bolatyn ındýstrııalyq aımaqta ornalasqan, avtokomponentter óndiretin «Astana Motors Engineering» tehnoparkiniń bir bóligi bolyp sanalady. О́ndiristik keshenniń qurylysyna 15,5 mlrd teńge ınvestısııa quıyldy. Qurylys aıaqtalǵan soń tehnopark aýmaǵynda taǵy eki kásiporyn ashylady, olar – avtomobıl oryndyqtaryn óndiretin zaýyt jáne avtomobılge, sondaı-aq logıstıkalyq habqa arnalǵan plastıka, rezeńke buıymdar óndiretin zaýyt. Avtomobıl oryndyqtaryn jasaıtyn zaýytty iske qosý bıyl tórtinshi toqsanǵa josparlanǵan. Tehnoparktiń óndiristik qýattylyǵy jylyna 100 myń jınaq bolady dep kútiledi. Klaster terrıtorııasynda 90-nan asa maman eńbek etedi, al óndiristik keshenniń qyzmetkerler shtaty 400 adamǵa eseptelgen. Iske qosylǵannan keıin tehnopark ónimderi «Hyundai Trans Kazakhstan» jáne elimizdiń basqa da avtomobıl zaýyttaryna jetkiziledi.
